ਪੰਜਾਬ

ਭੈਣਾਂ ਅਤੇ ਵੀਰਾਂ ਦਾ ਪਿਆਰ ਰੱਖੜੀ।

ਹੁੰਦੀ ਵੀਰਾਂ ਲਈ ਗੁੱਟ ਦਾ ਸ਼ਿੰਗਾਰ ਰੱਖ਼ੜੀ।।

ਭੈਣਾਂ ਲਈ ਰਾਖੀ ਦਾ ਅਹਿਸਾਸ ਹੁੰਦੀ ਐ।

ਵੀਰਾਂ ਤੋਂ ਹੀ ਭੈਣਾਂ ਨੂੰ ਤਾਂ ਆਸ ਹੁੰਦੀ ਐ।।

ਮੰਗਦੀਆਂ ਰਹਿਣ ਸਦਾ ਇੱਕ ਵੀਰ ਰੱਬ ਤੋਂ।

ਜਿਹੜਾ ਛਾਂ ਕਰੀ ਰੱਖੇ ਮੱਚੀ ਜੱਗ ਵਿੱਚ ਅੱਗ ਤੋਂ।।

ਹਰ ਭੈਣ ਇਹੀ ਸੁੱਖਾਂ ਸੁੱਖਦੀ ਹੀ ਰਹਿੰਦੀ ਐ,,,,,

ਵੀਰਾਂ ਤੋਂ ਹੀ ਭੈਣਾਂ ਨੂੰ,,,,

ਇੱਕ ਵੀਰ ਦੇਈਂ ਰੱਬਾ ਕਰਨ ਦੁਆਵਾਂ ਨੂੰ।

ਰੱਬਾ ਇਨ੍ਹਾਂ ਤੋਂ ਤੂੰ ਦੂਰ ਰੱਖੀਂ ਮਾੜੀਆਂ ਬਲਾਵਾਂ ਨੂੰ।।

ਰੱਖੜੀ ਦੇ ਵਿੱਚ ਇਨ੍ਹਾਂ ਹਰ ਰੀਝ ਗੁੰਦੀ ਐ,,,,

ਵੀਰਾਂ ਤੋਂ ਹੀ ਭੈਣਾਂ ਨੂੰ,,,,,

ਭਾਵੇਂ ਹੋਣ ਪੇਕੀਂ ਭਾਵੇਂ ਸਹੁਰੀਂ ਇਹੇ ਹੋਣ ਜੀ।

ਸੁੱਖ ਅਤੇ ਸ਼ਾਂਤੀ ਇਹ ਪੇਕਿਆਂ ਦੀ ਚਾਹੁਣ ਜੀ।।

ਹੁੰਦਾ ਚਾਵਾਂ ਤੇ ਮਲ੍ਹਾਰਾਂ ਦਾ ਤਿਉਹਾਰ ਰੱਖੜੀ,,,,,

ਭੈਣਾਂ ਅਤੇ ਵੀਰਾਂ ਦਾ ਪਿਆਰ ਰੱਖੜੀ,,,

ਰੱਬਾ ਵੀਰਾਂ ਅਤੇ ਭੈਣਾਂ ਦਾ ਬਣਾਈ ਰੱਖੀਂ ਪਿਆਰ ਤੂੰ।

ਕਿਸੇ ਭੈਣ ਨੂੰ ਨਾ ਕਰੀਂ ਵੀਰ ਵੱਲੋਂ ਅਵਾਜ਼ਾਰ ਤੂੰ।।

ਭੈਣਾਂ ਬੰਨ੍ਹਦੀਆਂ ਰਹਿਣ ਹਰ ਸਾਲ ਰੱਖੜੀ,,,,

ਭੈਣਾਂ ਅਤੇ ਵੀਰਾਂ ਦਾ ਪਿਆਰ,,,,,,

ਵੀਰਾ ਖੁਸ਼ੀ ਨਾਲ ਸ਼ਗਨ ਜੋ ਭੈਣ ਝੋਲੀ ਪਾਉਂਦਾ ਹੈ।

ਪਿਆਰ ਦੇਣ ਲਈ ਹੱਥ ਸਿਰ ਤੇ ਟਿਕਾਉਂਦਾ ਹੈ।।

ਦੱਦਾਹੂਰੀਆ ਇਹ ਮੋਹ ਭਿੱਜੀ ਤਾਰ ਰੱਖੜੀ,,,,

ਭੈਣਾਂ ਅਤੇ ਵੀਰਾਂ ਦਾ ਪਿਆਰ ਰੱਖੜੀ।

ਜਸਵੀਰ ਸ਼ਰਮਾਂ ਦੱਦਾਹੂਰ

ਸ੍ਰੀ ਮੁਕਤਸਰ ਸਾਹਿਬ

95691-49556

ਜਗਰਾਉ 11 ਅਗਸਤ (ਅਮਿਤਖੰਨਾ):ਪ੍ਰਾਪਰਟੀ ਡੀਲਰਜ਼ ਐਂਡ ਕਲੋਨਾਈਜ਼ਰ ਐਸੋਸੀਏਸ਼ਨ ਦਾ ਗਠਨ ਕੀਤਾ ਗਿਆ ਇਸ ਵਿੱਚ ਸਰਬਸੰਮਤੀ ਨਾਲ ਪ੍ਰਾਪਰਟੀ ਡੀਲਰ ਐਂਡ ਕਲੋਨਾਈਜ਼ਰ ਐਸੋਸੀਏਸ਼ਨ ਜਗਰਾਉਂ ਦੇ ਚੇਅਰਮੈਨ ਮਨਦੀਪ ਗਰੇਵਾਲ ਪ੍ਰਧਾਨ ਗੋਪਾਲ ਬਾਂਸਲ ਮੀਤ ਪ੍ਰਧਾਨ ਸਤੀਸ਼ ਅਰੋੜਾ ਸੈਕਟਰੀ ਹਰਜੀਤ ਸਿੰਘ ਸੋਨੂੰ  ਪ੍ਰੈੱਸ ਸਕੱਤਰ ਰਿਤੇਸ਼ ਭੱਟ ਕੈਸ਼ੀਅਰ ਅਸ਼ੀਸ਼ ਮੰਗਲਾ ਸੰਯੁਕਤ ਸਕੰਤਰ ਰਾਕੇਸ਼ ਮੈਨੀ ਸਲਾਹਕਾਰ ਰਾਹੁਲ ਗੁਪਤਾ ਰੋਮੀ ਸਰਗਰਮ ਮੈਂਬਰ ਜਗਮੋਹਨ ਭੰਡਾਰੀ   ਸੁਖਵਿੰਦਰ ਸਿੰਘ ਭਸੀਨ ਕੈਸ਼ੀਅਰ ਰਾਜ ਕੁਮਾਰ ਰਾਜੂ  ਜੁਆਇੰਟ ਸਕੱਤਰ ਪਿਆਰਾ ਸਿੰਘ ਚੁਣੇ ਗਏ ਇਸ ਮੌਕੇ ਪ੍ਰਧਾਨ ਗੋਪਾਲ ਬਾਂਸਲ ਤੇ ਸੈਕਟਰੀ ਹਰਜੀਤ ਸਿੰਘ ਸੋਨੂੰ ਨੇ ਕਿਹਾ ਕਿ ਪੰਜਾਬ ਸਰਕਾਰ ਐਨ ਓ ਸੀ ਦੀ ਸ਼ਰਤ ਨੂੰ ਤੁਰੰਤ ਬੰਦ ਕਰੇ ਪ੍ਰਾਪਰਟੀ ਨਾਲ ਜੁੜੇ ਲੋਕ ਬੇਰੁਜ਼ਗਾਰ ਹੋ ਰਹੇ ਹਨ ਜਦਕਿ ਸਰਕਾਰ ਨੂੰ ਰਜਿਸਟਰੀਆਂ ਦੇ ਰੂਪ ਵਿਚ ਰੈਵਨਿਊ ਆਉਂਦਾ ਹੈ ਉਨ੍ਹਾਂ ਕਿਹਾ ਕਿ ਕੇਂਦਰ ਸਰਕਾਰ ਨੇ ਪ੍ਰਾਪਰਟੀ ਦੇ ਕਾਰੋਬਾਰ ਚ ਬਿਆਨ ਨਾ ਦਿੱਤਾ ਜਾਏ ਮੰਗਾਂ ਨਾ ਮੰਨੀਆਂ ਤਾਂ ਧਰਨੇ ਪ੍ਰਦਰਸ਼ਨ ਕੀਤੇ ਜਾਣਗੇ ਇਸ ਮੌਕੇ  ਪ੍ਰਦੀਪ ਕੁਮਾਰ ਦੁਆ, ਆਰ ਐਸ ਕਲੇਰ, ਬਲਵੰਤ ਸਿੰਘ ਸਿੱਧੂ ਵੀ ਮੌਜੂਦ ਸਨ

ਜਗਰਾਉਂ , 11 ਅਗਸਤ (ਕੌਸ਼ਲ ਮੱਲਾਂ  ) ਗੁਰਫ਼ਤਹਿ ਸਿੰਘ ਸਿੱਧੂ ਪਿੰਡ ਮੱਲਾ  ਤਹਿਸੀਲ ਜਗਰਾਉਂ ਜ਼ਿਲ੍ਹਾ ਲੁਧਿਆਣਾ  ਨੂੰ ਜਨਮ ਦਿੰਦੀਆਂ ਬਹੁਤ ਬਹੁਤ ਮੁਬਾਰਕਾਂ

 ਜਨ ਸ਼ਕਤੀ

ਹਠੂਰ,11,ਅਗਸਤ-(ਕੌਸ਼ਲ ਮੱਲ੍ਹਾ)-ਵਿਸ਼ਵ ਦੀ ਸਭ ਤੋ ਵੱਡੀ ਸਹਿਕਾਰੀ ਸੰਸਥਾ ਇਫਕੋ ਵੱਲੋ ਸਹਿਕਾਰੀ ਸਭਾ ਪਿੰਡ ਮੱਲ੍ਹਾ ਵਿਖੇ ‘ਕਿਸਾਨ ਸਭਾ ਅਤੇ ਰੁੱਖ ਲਗਾਉ’ਮੁਹਿੰਮ ਤਹਿਤ ਸਭਾ ਦੇ ਸੈਕਟਰੀ ਗੁਰਮੇਲ ਸਿੰਘ ਧਾਲੀਵਾਲ ਦੀ ਸਰਪ੍ਰਤੀ ਹੇਠ ਸੈਮੀਨਰ ਕਰਵਾਇਆ ਗਿਆ।ਇਸ ਸੈਮੀਨਰ ਵਿਚ ਡਾ:ਗੁਰਦੀਪ ਸਿੰਘ ਬਲਾਕ ਅਫਸਰ ਜਗਰਾਉ,ਜਗਰਾਜ ਸਿੰਘ ਹੇਹਰ ਸੈਲਜ ਅਫਸਰ ਇਫਕੋ ਈ-ਬਲਾਕ ਜਗਰਾਉ,ਮੋਹਨ ਸਵਰੂਪ ਪ੍ਰਬੰਧਕ ਲੁਧਿਆਣਾ ਮੁੱਖ ਮਹਿਮਾਨ ਵਜੋ ਸਾਮਲ ਹੋਏ।ਇਸ ਮੌਕੇ ਵੱਡੀ ਗਿਣਤੀ ਵਿਚ ਪਹੁੰਚੇ ਕਿਸਾਨਾ ਨੂੰ ਸੰਬੋਧਨ ਕਰਦਿਆ ਮੋਹਨ ਸਵਰੂਪ ਵੱਲੋ ਇਫਕੋ ਦੀਆ ਵੱਖ-ਵੱਖ ਸੇਵਾਵਾ ਬਾਰੇ ਜਾਣਕਾਰੀ ਦਿੱਤੀ ਗਈ ਅਤੇ ਇਫਕੋ ਨੈਨੋ ਯੂਰੀਆ ਦੇ ਪ੍ਰਯੋਗ ਅਤੇ ਵਿਸ਼ੇਸਤਾਵਾ ਬਾਰੇ ਜਾਣਕਾਰੀ ਦਿੰਦੇ ਹੋਏ ਕਿਹਾ ਕਿ ਨੈਨੋ ਯੂਰੀਆ ਦੇ 500 ਐਮ ਐਲ ਦੀ ਇੱਕ ਬੋਤਲ 125 ਲੀਟਰ ਪਾਣੀ ਵਿਚ ਮਿਲਾਕੇ ਸਪਰੇਅ ਕਰਨੀ ਚਾਹੀਦੀ ਹੈ ਜੋ 50 ਕਿਲੋਗ੍ਰਾਮ ਯੂਰੀਆ ਖਾਦ ਦੀ ਬੋਰੀ ਦੇ ਬਰਬਾਰ ਦਾ ਕੰਮ ਕਰਦੀ ਹੈ।ਉਨ੍ਹਾ ਦੱਸਿਆ ਕਿ ਨੈਨੋ ਯੂਰੀਆ ਸਾਡੇ ਵਾਤਾਰਨ ਅਤੇ ਪਾਣੀ ਨੂੰ ਦੂਸਿਤ ਹੋਣ ਤੋ ਬਚਾਉਦੀ ਹੈ ਅਤੇ ਫਸਲ ਦਾ ਝਾਂੜ ਵੀ ਜਿਆਦਾ ਹੁੰਦਾ ਹੈ।ਇਸ ਮੌਕੇ ਡਾ:ਗੁਰਦੀਪ ਸਿੰਘ ਬਲਾਕ ਅਫਸਰ ਜਗਰਾਉ ਨੇ ਕਿਸਾਨਾ ਨੂੰ ਝੋਨੇ ਦੀ ਪਰਾਲੀ ਨਾ ਸਾੜਨ ਅਤੇ ਪਰਾਲੀ ਨੂੰ ਜਮੀਨ ਵਿਚ ਹੀ ਵਾਹੁਣ ਲਈ ਪ੍ਰੇਰਿਤ ਕਰਦਿਆ ਕਿਹਾ ਕਿ ਝੋਨੇ ਦੇ ਨਾੜ ਨੂੰ ਅੱਗ ਲਾਉਣ ਨਾਲ ਜਮੀਨ ਦੀ ਉਪਜਾਊ ਸਕਤੀ ਘੱਟਦੀ ਹੈ ਅਤੇ ਵਾਤਾਵਰਨ ਵੀ ਦੂਸਿਤ ਹੁੰਦਾ ਹੈ।ਇਸ ਮੌਕੇ ਇਫਕੋ ਵੱਲੋ ਪਿੰਡ ਮੱਲ੍ਹਾ ਦੇ ਕਿਸਾਨਾ ਨੂੰ ਦੋ ਹਜ਼ਾਰ ਨਿੰਮ ਦੇ ਬੂਟੇ ਫਰੀ ਵੰਡੇ ਗਏ।ਅੰਤ ਵਿਚ ਸਭਾ ਦੇ ਸਕੱਤਰ ਗੁਰਮੇਲ ਸਿੰਘ ਧਾਲੀਵਾਲ ਨੇ ਸਮੂਹ ਮਹਿਮਾਨਾ ਅਤੇ ਕਿਸਾਨ ਵੀਰਾ ਦਾ ਧੰਨਵਾਦ ਕੀਤਾ।ਇਸ ਮੌਕੇ ਉਨ੍ਹਾ ਨਾਲ ਸ਼ਮਿੰਦਰ ਸਿੰਘ, ਰਮਿਤ ਠਾਕਰ,ਰਣਜੀਤ ਸਿੰਘ ਪੱਪੂ,ਲਖਵੀਰ ਸਿੰਘ ਲੱਖਾ,ਹਰਵਿੰਦਰ ਸਿੰਘ ਲੱਖਾ,ਸੰਨੀ ਦਿਓਲ,ਰਜਿੰਦਰ ਸਿੰਘ ਗਾਗਾ,ਦਲਜੀਤ ਸਿੰਘ,ਹੀਰਾ ਸਿੰਘ,ਬਿੰਦਰ ਸਿੰਘ,ਰਾਜੀ ਸਿੰਘ ਆਦਿ ਹਾਜ਼ਰ ਸਨ।
ਫੋਟੋ ਕੈਪਸ਼ਨ:- ਸਹਿਕਾਰੀ ਸਭਾ ਮੱਲ੍ਹਾ ਵਿਖੇ ਨਿੰਮ ਦਾ ਰੁੱਖ ਲਾਉਦੇ ਹੋਏ ਡਾ:ਗੁਰਦੀਪ ਸਿੰਘ ਬਲਾਕ ਅਫਸਰ ਜਗਰਾਉ ਅਤੇ ਹੋਰ

ਜਗਰਾਉਂ , 11 ਅਗਸਤ (ਮਨਜਿੰਦਰ ਗਿੱਲ ) ਪੰਜਾਬ ਸਮੇਤ ਭਾਰਤ ਦੇ ਕਈ ਰਾਜਾਂ ਵਿੱਚ ਗਊਆਂ ਤੇ ਗਊਆਂ ਨੂੰ ਲੈ ਕੇ ਭਾਰੀ ਸੰਕਟ ਚੱਲ ਰਿਹਾ ਹੈ। ਕੁਦਰਤੀ ਕਰੋਪੀ ਦੇ ਕਹਿਰ ਕਾਰਨ ਗਊ ਮਾਤਾ ਬੀਮਾਰ ਹੋ ਕੇ ਤੜਫ ਕੇ ਆਪਣੀ ਜਾਨ ਦੇ ਰਹੀ ਹੈ। ਗਊ ਮਾਤਾ ਦੀ ਇਸ ਸਮੱਸਿਆ ਨੂੰ ਦੇਖਦਿਆਂ ਗਊ ਭਗਤ ਅਤੇ ਹੋਰ ਕਈ ਸਮਾਜ ਸੇਵੀ ਆਪਣਾ ਫਰਜ਼ ਨਿਭਾਉਂਦੇ ਹੋਏ ਗਊ ਮਾਤਾ ਦੀ ਇਸ ਬਿਮਾਰੀ ਨੂੰ ਦੂਰ ਕਰਨ ਲਈ ਯਤਨਸ਼ੀਲ ਹਨ। ਪਰ ਭਾਰਤ ਸਰਕਾਰ ਅਤੇ ਪੰਜਾਬ ਸਰਕਾਰ ਜੋ ਗਊ ਮਾਤਾ ਦੇ ਨਾਮ 'ਤੇ ਲੱਖਾਂ ਦਾ ਫੰਡ ਇਕੱਠਾ ਕਰ ਰਹੀ ਹੈ, ਉਹ ਸਿਰਫ ਅਤੇ ਸਿਰਫ ਗਊ ਮਾਤਾ ਦੇ ਇਲਾਜ ਦੇ ਨਾਂ 'ਤੇ ਆਪਣੀਆਂ ਖਬਰਾਂ ਅਖਬਾਰਾਂ 'ਚ ਛਪਵਾ ਕੇ ਸੁਰਖੀਆਂ ਬਟੋਰ ਰਹੀਆਂ ਹਨ। ਇਨ੍ਹਾਂ ਸ਼ਬਦਾਂ ਦਾ ਪ੍ਰਗਟਾਵਾ ਕਰਦਿਆਂ ਵਾਤਾਵਰਣ ਪ੍ਰੇਮੀ ਸਤਪਾਲ ਸਿੰਘ ਦੇਹੜਕਾ ਨੇ ਦੱਸਿਆ ਕਿ ਗਊਸ਼ਾਲਾ ਵਿੱਚ ਰਹਿ ਰਹੀਆਂ ਗਊਆਂ ਦਾ ਇਲਾਜ ਗਊਸ਼ਾਲਾਵਾਂ ਵੱਲੋਂ ਕੀਤਾ ਜਾਂਦਾ ਹੈ ਅਤੇ ਘਰਾਂ ਵਿੱਚ ਰਹਿੰਦੀਆਂ ਗਊਆਂ ਦਾ ਇਲਾਜ ਪਰਿਵਾਰਕ ਮੈਂਬਰਾਂ ਵੱਲੋਂ ਕੀਤਾ ਜਾਂਦਾ ਹੈ। ਪਰ ਜੋ ਗਊਆਂ ਸੜਕਾਂ 'ਤੇ ਬੇਸਹਾਰਾ ਹਨ, ਉਨ੍ਹਾਂ ਲਈ ਸਰਕਾਰ ਵੱਲੋਂ ਕੋਈ ਠੋਸ ਮੈਡੀਕਲ ਸਹੂਲਤ ਮੁਹੱਈਆ ਨਹੀਂ ਕਰਵਾਈ ਜਾ ਰਹੀ।। ਉਨ੍ਹਾਂ ਕਿਹਾ ਕਿ ਸਰਕਾਰ ਦੇ ਨੁਮਾਇੰਦੇ ਅਤੇ ਲੋਕਾਂ ਦੇ ਚੁਣੇ ਹੋਏ ਨੁਮਾਇੰਦੇ ਸਿਰਫ਼ ਸਰਕਾਰੀ ਦਿਖਾਵਾ ਹੀ ਕਰ ਰਹੇ ਹਨ ਨਾ ਕਿ ਕਿਸੇ ਤਰ੍ਹਾਂ ਦਾ ਇਲਾਜ। ਇਸ ਮੌਕੇ ਉਨ੍ਹਾਂ ਮੁੱਖ ਮੰਤਰੀ ਪੰਜਾਬ ਭਗਵੰਤ ਸਿੰਘ ਮਾਨ ਨੂੰ ਵੀ ਬੇਨਤੀ ਕਰਦਿਆਂ ਕਿਹਾ ਕਿ ਰੰਗਲਾ ਪੰਜਾਬ ਸਿਰਫ਼ ਇਸ਼ਤਿਹਾਰਬਾਜ਼ੀ ਨਾਲ ਨਹੀਂ ਬਣੇਗਾ, ਸਗੋਂ ਇਸ ਲਈ ਮਿਹਨਤ ਕਰਨੀ ਪਵੇਗੀ। ਉਨ੍ਹਾਂ ਕਿਹਾ ਕਿ ਜਿਸ ਸੂਬੇ ਵਿੱਚ ਗਊ ਮਾਤਾ ਦਾ ਇਲਾਜ ਨਹੀਂ ਕੀਤਾ ਜਾ ਸਕਦਾ, ਉਸ ਸੂਬੇ ਦਾ ਵਿਕਾਸ ਕਿਵੇਂ ਹੋ ਸਕਦਾ ਹੈ। ਦੇਹੜਕਾ ਨੇ ਕਿਹਾ ਕਿ ਕੇਂਦਰ ਸਰਕਾਰ ਨੂੰ ਵੀ ਰਾਜਾਂ ਨੂੰ ਹਰ ਤਰ੍ਹਾਂ ਦੀ ਮਦਦ ਕਰਨੀ ਚਾਹੀਦੀ ਹੈ ਤਾਂ ਜੋ ਮਾਂ ਗਊ ਵਿੱਚ ਫੈਲ ਰਹੀ ਬਿਮਾਰੀ ਮਨੁੱਖ ਜਾਤੀ ਤੱਕ ਨਾ ਪਹੁੰਚ ਸਕੇ। ਸਾਨੂੰ ਗਊਮਾਤਾ ਤੋਂ ਅੰਮ੍ਰਿਤ ਦੇ ਰੂਪ ਵਿੱਚ ਦੁੱਧ ਮਿਲਦਾ ਹੈ। ਅਸੀਂ ਉਸ ਅੰਮ੍ਰਿਤ ਵਰਗੇ ਦੁੱਧ ਤੋਂ ਕਈ ਤਰ੍ਹਾਂ ਦੇ ਪਕਵਾਨ ਤਿਆਰ ਕਰਦੇ ਹਾਂ। ਪਰ ਅੱਜ ਸਾਡੀ ਗਊ ਮਾਤਾ, ਜੋ ਸਾਨੂੰ ਅੰਮ੍ਰਿਤ ਦੇ ਰੂਪ ਵਿੱਚ ਦੁੱਧ ਦਿੰਦੀ ਹੈ, ਇਲਾਜ ਦੀ ਮੰਗ ਕਰ ਰਹੀ ਹੈ।

 ਗਿੱਧਾ, ਲੋਕ ਬੋਲੀਆਂ, ਗੀਤ ਅਤੇ ਸੰਗੀਤ ਪੇਸ਼ ਕਰਕੇ ਖ਼ੂਬ ਰੰਗ ਬੰਨ੍ਹਿਆ                                                      

ਮਹਿਲ ਕਲਾਂ 08 ਅਗਸਤj  ( ਡਾਕਟਰ ਸੁਖਵਿੰਦਰ ਸਿੰਘ ) ਪਿੰਡ ਹਮੀਦੀ ਵਿਖੇ ਸਰਪੰਚ ਜਸਪ੍ਰੀਤ ਕੌਰ ਮਾਂਗਟ ਦੀ ਅਗਵਾਈ ਹੇਠ ਸਮੂਹ ਗਰਾਮ ਪੰਚਾਇਤ ਦੇ ਸਹਿਯੋਗ ਨਾਲ ਤੀਆਂ ਦਾ ਤਿਉਹਾਰ ਅਧਿਆਪਕਾ ਸਰਬਜੀਤ ਕੌਰ ਚੋਪੜਾ ਦੀ ਪ੍ਰੇਰਨਾ ਸਦਕਾ ਲੜਕੀਆਂ ਦੀ ਏਕਤਾ ਦੇ ਉਪਰਾਲੇ ਸਦਕਾ ਧੂਮ ਧਾਮ ਨਾਲ ਮਨਾਇਆ ਗਿਆ। ਇਸ ਮੌਕੇ ਸਰਪੰਚ ਜਸਪ੍ਰੀਤ ਕੌਰ ਮਾਂਗਟ, ਪੰਚ ਜਸਵਿੰਦਰ ਸਿੰਘ ਮਾਂਗਟ, ਸੇਵਾਮੁਕਤ ਹੈੱਡ ਟੀਚਰ ਸੁਰਿੰਦਰਪਾਲ ਕੌਰ, ਸਰਬਜੀਤ ਕੌਰ ਚੋਪੜਾ, ਸੇਵਾਮੁਕਤ ਅਧਿਆਪਕ ਕੁਲਵਿੰਦਰ ਕੌਰ ਸਿੱਧੂ ਨੇ ਤੀਆਂ ਦੇ ਤਿਉਹਾਰ ਦੀ ਲੜਕੀਆਂ ਨੂੰ ਵਧਾਈ ਦਿੰਦਿਆਂ ਕਿਹਾ ਕਿਹਾ ਕਿ ਤੀਆਂ ਦਾ ਤਿਉਹਾਰ ਆਪਸੀ ਭਾਈਚਾਰਕ ਸਾਂਝ ਨੂੰ ਮਜ਼ਬੂਤ ਕਰਦਾ ਹੈ ਅਤੇ ਔਰਤਾਂ ਲਈ ਇਹ ਤਿਉਹਾਰ ਖੁਸ਼ੀਆਂ ਭਰਿਆ ਹੁੰਦਾ ਹੈ। ਉਨ੍ਹਾਂ ਕਿਹਾ ਕਿ ਔਰਤ ਦਾ ਸਤਿਕਾਰ ਕਰਨ ਬਾਰੇ ਸਾਡੇ ਧਾਰਮਿਕ ਗ੍ਰੰਥਾਂ ’ਚ ਵੀ ਦਰਜ ਹੈ। ਉਨ੍ਹਾਂ ਕਿਹਾ ਕਿ ਇਸ ਮੁਹਿੰਮ ਦਾ ਮਕਸਦ ਪੰਜਾਬ ’ਚ ਧੀਆਂ ਦੀ ਖ਼ਤਮ ਹੋ ਰਹੀ ਹੋਂਦ ਨੂੰ ਬਚਾਉਣਾ ਹੈ, ਤਾਂ ਕਿ ਪੰਜਾਬ ਦੀਆਂ ਧੀਆਂ ਪੜ੍ਹ-ਲਿਖ ਕੇ ਅੱਗੇ ਵਧ ਸਕਣ ਅਤੇ ਬਰਾਬਰ ਦਾ ਰੁਤਬਾ ਹਾਸਲ ਕਰ ਸਕਣ। ਉਨ੍ਹਾਂ ਕਿਹਾ ਕਿ ਸਾਨੂੰ ਤੀਆਂ ਦੇ ਤਿਉਹਾਰ ਤੋਂ ਪ੍ਰੇਰਨਾ ਲੈ ਕੇ ਧੀਆਂ ਤੇ ਕੁੜੀਆਂ ਦਾ ਮਾਣ ਸਤਿਕਾਰ ਬਰਕਰਾਰ ਰੱਖਣ ਲਈ ਸਾਡਾ ਸਾਰਿਆਂ ਦਾ ਮੁੱਢਲਾ ਫ਼ਰਜ਼ ਬਣਦਾ ਹੈ। ਉਨ੍ਹਾਂ ਕਿਹਾ ਕਿ ਧੀਆਂ ਤੋਂ ਬਗੈਰ ਕਦੇ ਸਮਾਜ ਤਰੱਕੀ ਨਹੀਂ ਕਰ ਸਕਦਾ ਇਸ ਲਈ ਸਾਨੂੰ ਧੀਆਂ ਦਾ ਸਤਿਕਾਰ ਕਰਕੇ ਉਨ੍ਹਾਂ ਦੇ ਅੱਗੇ ਵਧਣ ’ਚ ਲਈ ਸਾਥ ਸਾਥ ਦੇਣਾ ਸਮੇਂ ਦੀ ਮੁੱਖ ਲੋਡ਼ ਹੈ।ਇਸ ਮੌਕੇ ਲੜਕੀ ਰਮਨਦੀਪ ਕੌਰ, ਸਿਮਰਜੀਤ ਕੌਰ, ਰੇਖਾ ਕੌਰ, ਨਜ਼ਮਾਂ, ਰਮਨਦੀਪ ਕੌਰ ਨੇ ਗੀਤ ਸੰਗੀਤ ਬੋਲੀਆਂ, ਗਿੱਧਾ, ਭੰਗੜਾ, ਸੁਹਾਗਣਾਂ, ਸਭਿਆਚਾਰ ਪੇਸ਼ ਕਰਕੇ ਖ਼ੂਬ ਰੰਗ ਬੰਨ੍ਹਿਆ। ਇਸ ਮੌਕੇ ਸਰਪੰਚ ਜਸਪ੍ਰੀਤ ਕੌਰ ਮਾਂਗਟ ਨੇ ਖੁਦ ਪੀਂਘ ਝੂਟ ਕੇ ਤੀਆਂ ਦੇ ਤਿਉਹਾਰ ਦੀ ਸ਼ੁਰੂਆਤ ਕਰਵਾਈ ਗਈ। ਇਸ ਮੌਕੇ ਪੁਰਾਣੇ ਸਮੇਂ ਵਿੱਚ ਘਰਾਂ ਵਿੱਚ ਵਰਤੇ ਜਾਂਦੇ ਚਰਖਾ, ਦਰੀਆਂ, ਸਿਲਾਈ ਕਢਾਈ ਦਾ ਸਾਮਾਨ, ਪਿੱਤਲ ਦੀ ਟੋਕਨੀ, ਪਿੱਤਲ ਦੇ ਗਲਾਸ ਅਤੇ ਕੁੜੀਆਂ ਵੱਲੋਂ ਵਰਤਿਆ ਜਾਂਦਾ ਹਾਰ ਸ਼ਿੰਗਾਰ ਲੋਕਾਂ ਨੂੰ ਵਿਖਾਉਣ ਲਈ ਰੱਖਿਆ ਗਿਆ। ਅਖੀਰ ਵਿਚ ਸਰਪੰਚ ਜਸਪ੍ਰੀਤ ਕੌਰ ਮਾਂਗਟ, ਜਸਵਿੰਦਰ ਸਿੰਘ ਮਾਂਗਟ ਦੀ ਅਗਵਾਈ ਹੇਠ ਸਮੁੱਚੀ ਗ੍ਰਾਮ ਪੰਚਾਇਤ ਤੇ ਪਿੰਡ ਵਾਸੀਆਂ ਵੱਲੋਂ ਬਾਰ੍ਹਵੀਂ ਕਲਾਸ ਦੇ ਨਤੀਜਿਆਂ ਵਿੱਚੋਂ ਪਹਿਲੀ ਪੁਜੀਸ਼ਨ ਹਾਸਿਲ ਕਰਨ ਵਾਲੀ ਵਿਦਿਆਰਥਣ ਮਨਦੀਪ ਕੌਰ ਦਾ ਸਨਮਾਨ ਕੀਤਾ ਗਿਆ। ਇਸ ਮੌਕੇ ਪੰਚ ਪਰਮਜੀਤ ਕੌਰ ਗੌੜੀਆ, ਪੰਚ ਸਰਬਜੀਤ ਕੌਰ ਪਾਲ, ਕਰਮਜੀਤ ਕੌਰ ਰੰਧਾਵਾ, ਪੰਚ ਅਮਰ ਸਿੰਘ, ਪੰਚ ਮੱਘਰ ਸਿੰਘ,ਮਨਪ੍ਰੀਤ ਕੌਰ ਰਾਣੂ,ਰਿੰਪੀ ਕੌਰ ਜਵੰਧਾ ਅਤੇ ਹਰਪ੍ਰੀਤ ਕੌਰ ਬੰਮਹਾਰ ਤੋਂ ਇਲਾਵਾ ਹੋਰ ਪਿੰਡ ਵਾਸੀ ਵੱਡੀ ਗਿਣਤੀ ਵਿਚ ਹਾਜ਼ਰ ਸਨ।

ਜਗਰਾਉਂ, 11 ਅਗਸਤ (ਕੁਲਦੀਪ ਸਿੰਘ ਕੋਮਲ) ਅਦਾਰਾ ਜਨ ਸ਼ਕਤੀ ਵੱਲੋ ਪਤਰਕਾਰ ਮੋਹਿਤ ਗੋਇਲ ਨੂੰ ਜਨਮਦਿਨ ਤੇ ਬਹੁਤ ਬਹੁਤ ਮੁਬਾਰਕਾਂ

ਹਠੂਰ,10,ਅਗਸਤ-(ਕੌਸ਼ਲ ਮੱਲ੍ਹਾ)-ਪਿੰਡ ਲੱਖਾ ਦੇ ਵੱਡਾ ਗੁਰਦੁਆਰਾ ਸਾਹਿਬ ਦੀ ਪ੍ਰਬੰਧਕੀ ਕਮੇਟੀ ਦੇ ਪ੍ਰਧਾਨ ਬਿੱਕਰ ਸਿੰਘ ਲੱਖਾ ਦੀ ਅਗਵਾਈ ਹੇਠ ਤਖਤ ਸ੍ਰੀ ਹਜ਼ੂਰ ਸਾਹਿਬ ਦੇ ਦਰਸਨਾ ਲਈ ਸੰਗਤਾ ਦੀ ਯਾਤਰਾ ਰਵਾਨਾ ਕੀਤੀ ਗਈ।ਇਸ ਮੌਕੇ ਜਾਣਕਾਰੀ ਦਿੰਦਿਆ ਡਾ:ਹਰਭਜਨ ਸਿੰਘ ਧਾਲੀਵਾਲ ਨੇ ਦੱਸਿਆ ਕਿ ਯਾਤਰਾ ਸੁਰੂ ਕਰਨ ਤੋ ਪਹਿਲਾ ਵੱਡਾ ਗੁਰਦੁਆਰਾ ਸਾਹਿਬ ਵਿਖੇ ਸਰਬੱਤ ਦੇ ਭਲੇ ਲਈ ਅਰਦਾਸ ਕੀਤੀ ਗਈ।ਉਨ੍ਹਾ ਦੱਸਿਆ ਕਿ ਤਖਤ ਸ੍ਰੀ ਹਜ਼ੂਰ ਸਾਹਿਬ ਤੋ ਲੈ ਕੇ ਰਸਤੇ ਵਿਚ ਆਉਦੇ ਵੱਖ-ਵੱਖ ਧਾਰਮਿਕ ਸਥਾਨਾ ਦੇ ਦਰਸਨ ਕਰਨ ਉਪਰੰਤ ਸੰਗਤ 25 ਦਿਨਾ ਬਾਅਦ ਵਾਪਸ ਪਿੰਡ ਲੱਖਾ ਪਰਤੇਗੀ।ਇਸ ਮੌਕੇ ਉਨ੍ਹਾ ਨਾਲ ਬਲਵੀਰ ਸਿੰਘ ਗਿੱਲ,ਲਛਮਣ ਸਿੰਘ ਗਿੱਲ,ਹਰਦੇਵ ਸਿੰਘ,ਭਜਨ ਸਿੰਘ ਧਾਲੀਵਾਲ,ਗੁਰਦੀਪ ਸਿੰਘ,ਸੁਖਪਾਲ ਸਿੰਘ ਗਿੱਲ,ਗੋਬਿੰਦ ਸਿੰਘ ਆਦਿ ਸੰਗਤਾ ਹਾਜ਼ਰ ਸਨ।
ਫੋਟੋ ਕੈਪਸ਼ਨ:-ਪਿੰਡ ਲੱਖਾ ਤੋ ਤਖਤ ਸ੍ਰੀ ਹਜ਼ੂਰ ਸਾਹਿਬ ਦੇ ਦਰਸਨਾ ਲਈ ਸੰਗਤਾ ਰਵਾਨਾ ਹੁੰਦੀਆ ਹੋਈਆ।
 

ਨਗਰ ਕੌਂਸਲ ਦੇ ਕਾਰਜ ਸਾਧਕ ਅਧਿਕਾਰੀ ਨੂੰ ਮਤਾ ਪਾਉਣ ਦੀਆਂ ਹਦਾਇਤਾਂ ਜਾਰੀ
ਜਗਰਾਉਂ ,  10 ਅਗਸਤ -ਹਲਕਾ ਜਗਰਾਉਂ ਦੇ ਵਿਧਾਇਕਾ ਬੀਬੀ ਸਰਵਜੀਤ ਕੌਰ ਮਾਣੂੰਕੇ ਹਲਕੇ ਦੀ ਨੁਹਾਰ ਬਦਲਣ ਅਤੇ ਲੋਕਾਂ ਨੂੰ ਦੁਰਗਤ ਭਰੀ ਜ਼ਿੰਦਗੀ ਵਿੱਚੋਂ ਬਾਹਰ ਕੱਢਣ ਲਈ ਪੂਰੀ ਸਰਗਰਮੀਂ ਨਾਲ ਜੁਟੇ ਹੋਏ ਹਨ। ਵਿਧਾਇਕਾ ਸਰਵਜੀਤ ਕੌਰ ਮਾਣੂੰਕੇ ਨੇ ਪੰਜਾਬ ਵਾਟਰ ਸਪਲਾਈ ਅਤੇ ਸੀਵਰੇਜ ਬੋਰਡ ਦੇ ਪੱਤਰ ਦੀ ਕਾਪੀ ਵਿਖਾਉਂਦੇ ਹੋਏ ਦੱਸਿਆ ਕਿ ਪੰਜਾਬ ਰਾਜ ਵਿੱਚ ਟਿਊਬਵੈਲਾਂ ਰਾਹੀਂ ਪਾਣੀ ਦੀ ਸਪਲਾਈ ਨਾਲ ਜਮੀਨੀ ਪਾਣੀ ਦੇ ਸਤਰ ਲਗਾਤਾਰ ਦਿਨੋ-ਦਿਨ ਘਟ ਰਿਹਾ ਹੈ। ਇਸ ਕਮੀ ਨੂੰ ਰੋਕਣ ਲਈ ਪਾਣੀ ਦੀ ਸਪਲਾਈ ਸਬਮਰਸੀਬਲ ਮੋਟਰਾਂ ਜਾਂ ਟਿਊਬਵੈਲਾਂ ਦੀ ਬਜਾਇ ਨਹਿਰੀ ਪਾਣੀ ਦੇ ਸਰੋਤਾਂ ਰਾਹੀਂ ਦਿੱਤੀ ਜਾਵੇਗੀ। ਕਿਉਂਕਿ ਕੁਦਰਤੀ ਸੋਮਿਆਂ ਰਾਹੀਂ ਮਿਲਣ ਵਾਲੇ ਪਾਣੀ ਵਿੱਚ ਬਹੁਤ ਸਾਰੀਆਂ  ਧਾਤਾਂ ਮਿਲੀਆਂ ਹੁੰਦੀਆਂ ਹਨ, ਜੋ ਇਨਸਾਨ ਨੂੰ ਤੰਦਰੁਸਤ ਰੱਖਣ ਵਿੱਚ ਵੀ ਸਹਾਇਕ ਹੋਣਗੀਆਂ।  ਇਸ ਲਈ ਪੰਜਾਬ ਸਰਕਾਰ ਵੱਲੋਂ ਅਮਰੁਤ-2.0 ਸਕੀਮ ਸ਼ੁਰੂ ਕੀਤੀ ਜਾ ਰਹੀ ਹੈ। ਅਮਰੁਤ-2.0 ਸਕੀਮ ਦੇ ਪਹਿਲੇ ਟਰੈਚ ਅਧੀਨ ਆਉਂਦੇ 87 ਕਸਬਿਆਂ ਵਿੱਚ ਲਾਗੂ ਕੀਤੀ ਜਾਵੇਗੀ, ਇਸ ਲਈ ਨਗਰ ਕੌਂਸਲਾਂ ਵੱਲੋਂ ਮਤੇ ਪਾਏ ਜਾਣੇ ਹਨ। ਵਿਧਾਇਕਾ ਮਾਣੂੰਕੇ ਨੇ ਜਾਣਕਾਰੀ ਦਿੰਦੇ ਹੋਰ ਦੱਸਿਆ ਕਿ ਉਹਨਾਂ ਵੱਲੋਂ ਜਗਰਾਉਂ ਦੇ ਲੋਕਾਂ ਨੂੰ ਸਾਫ਼ ਅਤੇ ਸ਼ੁੱਧ ਪੀਣਯੋਗ ਪਾਣੀ ਦੇਣ ਲਈ ਨਗਰ ਕੌਸਲ ਜਗਰਾਉਂ ਦੇ ਕਾਰਜ ਸਾਧਕ ਅਧਿਕਾਰੀ ਮਨੋਹਰ ਸਿੰਘ ਨੂੰ ਹਦਾਇਤਾਂ ਜਾਰੀ ਕੀਤੀਆਂ ਗਈਆਂ ਹਨ ਕਿ ਉਹ ਨਗਰ ਕੌਂਸਲ ਵੱਲੋਂ ਤੁਰੰਤ ਮਤਾ ਪੁਆਕੇ ਦੇਣ ਤਾਂ ਜੋ ਜਗਰਾਉਂ ਦੇ ਲੋਕਾਂ ਨੂੰ ਅਮਰੁਤ-2.0 ਸਕੀਮ ਤਹਿਤ ਨਹਿਰੀ ਪਾਣੀ ਪ੍ਰੋਜੈਕਟ ਨਾਲ ਜੋੜਿਆ ਜਾ ਸਕੇ। ਵਿਧਾਇਕਾ ਨੇ ਦੱਸਿਆ ਕਿ 37.56 ਕਰੋੜ ਰੁਪਏ ਦੀ ਲਾਗਤ ਨਾਲ ਜਗਰਾਉਂ ਵਾਸੀਆਂ ਨੂੰ ਅਮਰੁਤ-2.0 ਸਕੀਮ ਤਹਿਤ ਨਹਿਰੀ ਸਾਫ਼ ਅਤੇ ਸ਼ੁੱਧ ਪੀਣਯੋਗ ਪਾਣੀ ਦਿੱਤਾ ਜਾਵੇਗਾ, ਕਿਉਂਕਿ ਜਗਰਾਉਂ ਸ਼ਹਿਰ ਅੰਦਰ ਬਹੁਤ ਸਾਰੇ ਇਲਾਕਿਆਂ ਵਿੱਚ ਲੋਕ ਗੰਦਾ ਪਾਣੀ ਪੀਣ ਲਈ ਮਜ਼ਬੂਰ ਹਨ। ਵਿਧਾਇਕਾ ਨੇ ਹੋਰ ਦੱਸਿਆ ਕਿ ਇਹ ਪ੍ਰੋਜੈਕਟ ਮੁਕੰਮਲ ਹੋਣ ਉਪਰੰਤ ਨਗਰ ਕੌਂਸਲ ਜਗਰਾਉਂ ਵੱਲੋਂ ਵਾਟਰ ਟਰੀਟਮੈਂਟ ਪਲਾਂਟ ਅਤੇ ਹੋਰ ਸਬੰਧਿਤ ਕੰਮਾਂ ਦੀ ਦੇਖ-ਰੇਖ ਦਾ ਕੰਮ ਵੀ ਆਪਣੇ ਪੱਧਰ ਤੇ ਹੀ ਕੀਤਾ ਜਾਵੇਗਾ। ਉਹਨਾਂ ਆਖਿਆ ਕਿ ਪਿਛਲੇ 75 ਸਾਲਾਂ ਦੌਰਾਨ ਅਕਾਲੀ ਤੇ ਕਾਂਗਰਸੀ 'ਉਤਰ ਕਾਟੋ, ਮੈਂ ਚੜ੍ਹਾਂ' ਦੀ ਹੀ ਖੇਡ ਖੇਡਦੇ ਰਹੇ ਹਨ ਅਤੇ ਵੋਟਾਂ ਨੇੜੇ ਆਉਣ 'ਤੇ ਹੀ ਵਿਕਾਸ ਦੇ ਨਾਮ ਤੇ ਖਾਨਾ-ਪੂਰਤੀ ਕਰਦੇ ਸਨ। ਪਰੰਤੂ ਹੁਣ ਪੰਜਾਬ ਦੇ ਲੋਕਾਂ ਨੇ 2022 ਵਿੱਚ ਨਵੇਂ ਯੁੱਗ ਦਾ ਆਰੰਭ ਕਰਦੇ ਹੋਏ ਆਮ ਆਦਮੀ ਪਾਰਟੀ ਦੀ ਸਰਕਾਰ ਬਣਾਈ ਹੈ ਅਤੇ ਸਰਕਾਰ ਵੱਲੋਂ ਮਾਨਯੋਗ ਮੁੱਖ ਮੰਤਰੀ ਭਗਵੰਤ ਮਾਨ ਦੀ ਅਗਵਾਈ ਹੇਠ ਆਉਂਦੇ ਸਾਰ ਹੀ ਵਿਕਾਸ ਦੇ ਕੰਮ ਜੰਗੀ ਪੱਧਰ ਤੇ ਸ਼ੁਰੂ ਕਰ ਦਿੱਤੇ ਗਏ ਹਨ। ਉਹਨਾਂ ਆਖਿਆ ਕਿ ਪੰਜਾਬ ਸਰਕਾਰ ਵੱਲੋਂ ਆਪਣੇ ਵਾਅਦੇ ਮੁਤਾਬਿਕ ਪਹਿਲੇ ਚਾਰ ਮਹੀਨੇ ਦੇ ਅੰਦਰ ਅੰਦਰ ਹੀ ਲੋਕਾਂ ਨੂੰ 600 ਯੂਨਿਟ ਬਿਜਲੀ ਮੁਫ਼ਤ ਇੱਕ ਜੁਲਾਈ 2022 ਤੋਂ ਸ਼ੁਰੂ ਕਰ ਦਿੱਤੀ ਗਈ ਹੈ ਅਤੇ 31 ਦਸੰਬਰ 2021 ਤੱਕ ਦੇ ਲੋਕਾਂ ਦੇ ਬਿਜਲੀ ਬਿਲਾਂ ਦੇ ਬਕਾਏ ਮੁਆਫ਼ ਕਰ ਦਿੱਤੇ ਗਏ ਹਨ ਅਤੇ ਆਉਂਦੇ ਸਮੇਂ ਵਿੱਚ ਲੋਕਾਂ ਨੂੰ ਹੋਰ ਵੱਡੀਆਂ ਸਹੂਲਤਾਂ ਦਿੱਤੀਆਂ ਜਾਣਗੀਆਂ। ਇਸ ਮੌਕੇ ਵਿਧਾਇਕਾ ਮਾਣੂੰਕੇ ਦੇ ਨਾਲ ਪ੍ਰੋਫੈਸਰ ਸੁਖਵਿੰਦਰ ਸਿੰਘ, ਕੁਲਵਿੰਦਰ ਸਿੰਘ ਕਾਲਾ, ਐਡਵੋਕੇਟ ਕਰਮ ਸਿੰਘ ਸਿੱਧੂ, ਅਮਰਦੀਪ ਸਿੰਘ ਟੂਰੇ, ਸਰਪੰਚ ਸੁਰਜੀਤ ਸਿੰਘ ਜਨੇਤਪੁਰਾ, ਡਾਇਰੈਕਟਰ ਹਰਪ੍ਰੀਤ ਸਿੰਘ, ਸੂਬੇਦਾਰ ਕਮਲਜੀਤ ਸਿੰਘ ਹੰਸਰਾ, ਭੁਪਿੰਦਰਪਾਲ ਸਿੰਘ ਬਰਾੜ, ਛਿੰਦਰਪਾਲ ਸਿੰਘ ਮੀਨੀਆਂ ਆਦਿ ਵੀ ਹਾਜ਼ਰ ਸਨ।

News By ;   Manjinder Gill ( 7888466199 )