ਪੰਜਾਬ

ਸੰਤ ਜਰਨੈਲ ਸਿੰਘ ਖਾਲਸਾ ਭਿੰਡਰਾਂਵਾਲਿਆਂ ਦੀ ਫੋਟੋ ਨੂੰ ਲੈ ਕੇ ਵਿਵਾਦ - ਸਰਕਾਰੀ ਥਾਵਾਂ ਉਪਰ ਹੋਏ ਫ਼ੋਟੋ ਲਾਉਣੀ ਠੀਕ ਜਾਂ ਗ਼ਲਤ  - ਵਿਸ਼ੇਸ਼ ਗੱਲਬਾਤ ਡਾ ਬਲਦੇਵ ਸਿੰਘ ਸਾਬਕਾ ਡਾਇਰੈਕਟਰ ਪੰਜਾਬ ਸਰਕਾਰ ਅਤੇ  ਇੰਟਰਨੈਸ਼ਨਲ ਪੰਥਕ ਦਲ ਦੇ ਸੀਨੀਅਰ ਆਗੂ ਸ ਹਰਚੰਦ ਸਿੰਘ ਚਕਰ -  ਐਂਕਰ ਅਮਨਜੀਤ ਸਿੰਘ ਖਹਿਰਾ  Controversy over photo of Sant Jarnail Singh Khalsa Bhindranwale || Right or wrong to take photos of government places || Special Interview Dr. Baldev Singh Former Director Punjab Government and Senior Leader of International Panthic Dal Harchand Singh Chakar - Anchor Amanjit Singh Khaira || ਹਰ ਸਮੇਂ ਦੀ ਤਾਜ਼ਾ ਖ਼ਬਰ ਦੇਖਣ ਲਈ ਯੂਟਿਊਬ ਚੈਨਲ , ਫੇਸਬੁੱਕ ਪੇਜ , ਇੰਸਟਾਗ੍ਰਾਮ ਪੇਜ , ਟਵਿੱਟਰ Jan Shakti News Punjab ਨੂੰ ਲਾਇਕ ਅਤੇ ਸਬਸਕ੍ਰਾਈਬ ਕਰੋ ॥ ਖ਼ਬਰਾਂ ਇਸ਼ਤਿਹਾਰ ਐਡਵਰਟਾਈਜ਼ਮੈਂਟ ਅਤੇ ਹੋਰ ਜਾਣਕਾਰੀ ਲਈ ਵ੍ਹੱਟਸਐਪ ਰਾਹੀਂ ਮੈਸੇਜ ਕਰੋ 00919878523331 ਜਾ 00447775486841 ਜਾਂ Email ; janshaktipaper@gmail.com ॥ ਧੰਨਵਾਦ ॥

ਜੇਕਰ ਅਸੀ ਬੰਦੀ ਸਿੰਘਾਂ ਨੂੰ ਰਿਹਾਈ ਲਈ ਇਕੱਠੇ ਨਾ ਹੋ ਸਕੇ ਤਾਂ ਸਾਨੂੰ ਸਿੱਖ ਸਰਦਾਰ ਕਹਾਉਣ ਦਾ ਕੀ ਫ਼ਾਇਦਾ : ਦੇਵ ਸਰਾਭਾ  
 
ਸਰਾਭਾ ਵਿਖੇ ਪੰਥਕ ਇਕੱਠ ਅੱਜ 15 ਜੁਲਾਈ ਨੂੰ ਹੋਵੇਗਾ  

ਮੁੱਲਾਂਪੁਰ ਦਾਖਾ, 14 ਜੁਲਾਈ  (ਸਤਵਿੰਦਰ ਸਿੰਘ ਗਿੱਲ) ਗ਼ਦਰ ਪਾਰਟੀ ਦੇ ਨਾਇਕ ਬਾਲਾ ਜਰਨੈਲ ਸ਼ਹੀਦ ਕਰਤਾਰ ਸਿੰਘ ਸਰਾਭਾ ਜੀ ਦੇ ਜੱਦੀ ਪਿੰਡ ਸਰਾਭਾ ਵਿਖੇ ਬੰਦੀ ਸਿੰਘਾਂ ਦੀ ਰਿਹਾਈ ਲਈ ਪੰਥਕ ਮੋਰਚਾ ਭੁੱਖ ਹਡ਼ਤਾਲ ਦੇ 144ਵਾਂ ਦਿਨ ਪੂਰਾ ਹੋਇਆ। ਰੋਜ਼ਾਨਾ ਪਹਿਰੇਦਾਰ ਦੇ ਮੁੱਖ ਸੰਪਾਦਕ ਸ. ਜਸਪਾਲ ਸਿੰਘ ਹੇਰਾਂ  ਦੀ ਸਰਪ੍ਰਸਤੀ ਹੇਠ ਚੱਲ ਰਹੇ ਮੋਰਚੇ 'ਚ ਅੱਜ ਸਹਿਯੋਗੀ ਬਹੁਜਨ ਮੁਕਤੀ ਪਾਰਟੀ ਦੇ ਆਗੂ ਸਿਕੰਦਰ ਸਿੰਘ ਰੱਤੋਵਾਲ,ਹਰਬੰਸ ਸਿੰਘ ਗਿੱਲ,ਦਰਸਨ ਸਿੰਘ ਹਲਵਾਰਾ,ਗੁਰਦੇਵ ਸਿੰਘ ਅਕਾਲਗਡ਼੍ਹ,ਰਾਮ ਸਿੰਘ ਦੀਪਕ ਲੁਧਿਆਣਾ,ਸੰਤੋਖ ਸਿੰਘ ਦੁੱਗਰੀ ,ਰਣਜੀਤ ਸਿੰਘ ਰੱਤੋਵਾਲ ,ਮਨਜੀਤ ਸਿੰਘ ਬੱਦੋਵਾਲ ,   ਆਦਿ ਬਲਦੇਵ ਸਿੰਘ ਦੇਵ ਸਰਾਭਾ ਨਾਲ ਭੁੱਖ ਹਡ਼ਤਾਲ ਤੇ ਬੈਠੇ । ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਬਲਦੇਵ ਸਿੰਘ ਦੇਵ ਸਰਾਭਾ ਨੇ ਆਖਿਆ ਕਿ ਦਿੱਲੀ ਤੋਂ ਸਿੱਖ ਵਿਰੋਧੀ ਲੋਕ ਪੰਜਾਬ ਨੂੰ ਚਾਰੇ ਪਾਸਿਓਂ ਘੇਰਨ ਲੱਗੇ ਹੋਏ ਹਨ ।ਪਰ ਤੁਸੀਂ ਸਿੱਖ ਕੌਮ ਦੇ ਜੁਝਾਰੂਆਂ ਨੇ ਆਖ਼ਰ ਕਦੋਂ ਜਾਗਣਾ ।ਜਿਨ੍ਹਾਂ ਬ੍ਰਾਹਮਣਵਾਦ ਬਿਰਤੀ ਦੇ ਲੋਕਾਂ ਨੇ ਸਾਡੇ ਗੁਰੂਆਂ ਨੂੰ ਤੱਤੀਆਂ ਤਵੀਆਂ ਤੇ ਬਿਠਾ ਦਿੱਤਾ ਤੇ ਛੋਟੇ ਸਾਹਿਬਜ਼ਾਦਿਆਂ ਨੂੰ ਨੀਂਹਾਂ ਵਿੱਚ ਚਿਣ ਕੇ ਸ਼ਹੀਦ ਕਰ ਦਿੱਤਾ ਅਤੇ ਸਾਡੇ ਦਰਬਾਰ ਸਾਹਿਬ ਤੇ ਟੈਂਕਾਂ ਨਾਲ ਗੋਲੇ ਦਾਗ ਦਿੱਤੇ ਫੇਰ  ਤੁਸੀਂ ਉਨ੍ਹਾਂ ਦੇ ਵਾਰਸਾਂ ਤੋਂ ਕੀ ਉਮੀਦ ਰੱਖਦੇ ਹੋ ਕੇ ਉਹ ਸਾਨੂੰ ਇਨਸਾਫ ਦੇਣਗੇ।ਬਾਕੀ ਜਿੰਨਾ ਚਿਰ ਤੁਸੀਂ ਇਕੱਠੇ ਨਹੀਂ ਹੁੰਦੇ ਕਿਸੇ ਨੇ ਵੀ ਸੋਨੂੰ ਹੱਕ ਥਾਲੀ ,ਚ ਪਰੋਸ ਕੇ ਨਹੀਂ ਦੇਣੇ । ਦੇਸ਼ ਦੀ ਆਜ਼ਾਦੀ ਲਈ ਸਿੱਖਾਂ ਨੇ ਆਪਣਾ ਸਾਰਾ ਕੁਝ ਨਿਸ਼ਾਵਰ ਕਰ ਦਿੱਤਾ । ਪਰ ਆਜ਼ਾਦੀ ਮਿਲਣ ਤੋਂ ਬਾਅਦ ਬ੍ਰਾਹਮਣ ਸੋਚ ਦੇ ਧਾਰਨੀ ਨਹਿਰੂ ,ਗਾਂਧੀ ਵਰਗਿਆਂ ਨੇ ਸਿੱਖਾਂ ਦੇ ਹੱਕਾਂ ਤੇ ਡਾਕੇ ਮਾਰੇ । ਜੋ ਸਿੱਖ ਕੌਮ ਆਪਣੇ ਹੱਕਾਂ ਲਈ ਅੱਜ ਤਕ ਸੰਘਰਸ਼ ਕਰ ਰਹੇ ਹਨ ।ਉਨ੍ਹਾਂ ਅੱਗੇ ਆਖਿਆ ਕਿ ਸਾਹਿਬੇ ਕਮਾਲ ਸਾਹਿਬ ਸ੍ਰੀ ਗੁਰੂ ਗੋਬਿੰਦ ਸਿੰਘ ਮਹਾਰਾਜ ਜੀ ਨੇ ਸਾਨੂੰ ਦਸਤਾਰ ਬਖਸ਼ੀ ਜੋ ਸਿੱਖ ਵਿਰੋਧੀ ਤਾਕਤਾਂ ਦਾ ਦਿਨ ਦਾ ਚੈਨ ਰਾਤਾਂ ਦੀ ਨੀਂਦ ਹਰਾਮ ਕਰਦੀ ਹੈ। ਜਦ ਕੇ  ਗੁਰੂ ਨੇ ਸਾਨੂੰ ਮਹਾਰਾਜੇ ਬਣਾਇਆ, ਸਰਕਾਰਾਂ ਗੁਲਾਮ ਬਣਾ ਕੇ ਰੱਖਣਾ ਚਾਹੁੰਦੀਆਂ, ਸਿੱਖ ਕਦੇ ਗੁਲਾਮੀ ਕਬੂਲ ਦੇ ਨਹੀਂ । ਜੇਕਰ ਅਸੀ ਬੰਦੀ ਸਿੰਘਾਂ ਨੂੰ ਰਿਹਾਈ ਲਈ ਇਕੱਠੇ ਨਾ ਹੋ ਸਕੇ ਤਾਂ ਸਾਨੂੰ ਸਿੱਖ ਸਰਦਾਰ ਕਹਾਉਣ ਦਾ ਕੀ ਫ਼ਾਇਦਾ ।ਇਸ ਲਈ ਸਮੁੱਚੀ ਸਿੱਖ ਕੌਮ ਰਾਜਨੀਤੀ ਤੋਂ ਉੱਪਰ ਉੱਠ ਕੇ ਨਿੱਕੀਆਂ ਨਿੱਕੀਆਂ ਜਥੇਬੰਦੀਆਂ ਨੂੰ ਇਕ ਕੇਸਰੀ ਝੰਡੇ ਥੱਲੇ ਇਕੱਠੀਆਂ ਕਰੋ ਤਾਂ ਜੋ ਸਮੁੱਚੀ ਕੌਮ ਦੀਆਂ ਹੱਕੀ ਮੰਗਾਂ ਜਲਦ ਫਤਹਿ ਕਰੀਏ । ਇਸ ਸਮੇਂ ਬਹੁਜਨ ਮੁਕਤੀ ਪਾਰਟੀ ਦੇ ਆਗੂ ਸਿਕੰਦਰ ਸਿੰਘ ਸਿੱਧੂ ਰੱਤੋਵਾਲ ,ਹਰਬੰਸ ਸਿੰਘ ਗਿੱਲ  ਨੇ ਆਖਿਆ ਕੇ ਗ਼ਰੀਬਾਂ ਦੇ ਮਸੀਹੇ ਸਾਹਿਬ ਕਾਂਸ਼ੀ ਰਾਮ ਹਮੇਸ਼ਾਂ ਆਖਿਆ ਕਰਦੇ ਸਨ ਕੇ "ਮੁਰਦੇ ਲੋਕ ਕਦੇ ਸੰਘਰਸ਼ ਨਹੀਂ ਕਰਿਆ ਕਰਦੇ,  ਜਿਉਂਦੇ ਲੋਕ ਸੰਘਰਸ਼ ਨੂੰ ਰੁਕਣ ਨਹੀਂ ਦਿੰਦੇ ।ਜੇਕਰ ਅਸੀਂ ਜਿਊਂਦਿਆਂ ਵਿੱਚ ਹਾਂ ਤਾਂ ਸ਼ਹੀਦ ਕਰਤਾਰ ਸਿੰਘ ਸਰਾਭਾ ਜੀ ਦੇ ਜੱਦੀ ਪਿੰਡ ਸਰਾਭਾ ਵਿਖੇ ਸਿੱਖ ਕੌਮ ਦੀਆਂ ਹੱਕੀ ਮੰਗਾਂ ਲਈ ਪੰਥਕ ਮੋਰਚਾ ਭੁੱਖ ਹੜਤਾਲ ਪਿਛਲੇ 144 ਦਿਨਾਂ ਤੋਂ ਚਾਲੂ ਹੈ ।ਜਿਸ ਸਥਾਨ ਤੇ 15 ਜੁਲਾਈ ਨੂੰ ਇਕ ਪੰਥਕ ਇਕੱਠ ਬੁਲਾਇਆ ਗਿਆ ਹੈ।ਸੋ ਤੁਸੀਂ ਆਪਣੇ ਕੰਮਾਂ ਨੂੰ ਸੰਕੋਚ ਦੇ ਹੋਏ ਸਰਾਭੇ ਪਹੁੰਚੋ । ਇਸ ਮੌਕੇ ਜਥੇਦਾਰ ਅਮਰ ਸਿੰਘ ਜੁੜਾਹਾਂ,ਮੋਹਣ ਸਿੰਘ ਮੋਮਨਾਬਾਦੀ,ਬਲਦੇਵ ਸਿੰਘ ਈਸ਼ਨਪੁਰ,ਗੁਰਸਿਮਰਨਜੀਤ ਸਿੰਘ ਅੱਬੂਵਾਲ ,ਹਰਦੀਪ ਸਿੰਘ ਰਿੰਪੀ   ਸਰਾਭਾ,ਰਿੰਕੂ ਰੰਗੂਵਾਲ,ਜਗਵਿੰਦਰ ਸਿੰਘ ਜੁੜਾਹਾਂ,ਸੁਖਦੇਵ ਸਿੰਘ ਟੂਸੇ,ਮੇਵਾ ਸਿੰਘ ਸਰਾਭਾ,ਕੁਲਦੀਪ ਸਿੰਘ ਕਿਲਾ ਰਾਏਪੁਰ,ਅੱਛਰਾ ਸਿੰਘ ਸਰਾਭਾ,ਗੁਲਜ਼ਾਰ ਸਿੰਘ ਮੋਹੀ,ਰਿੰਕੂ ਰੰਗੂਵਾਲ , ਮੁਖਤਿਆਰ ਸਿੰਘ ਸਰਾਭਾ,ਹਰਬੰਸ ਸਿੰਘ ਪੰਮਾ ਹਿੱਸੋਵਾਲ ਆਦਿ ਹਾਜ਼ਰੀ ਭਰੀ।

ਹਲਕਾ ਵਧਿਾਇਕ ਦੇ ਘਰਿਾਓ ਸਬੰਧੀ ਮੀਟੰਿਗਾਂ ਜਾਰੀ-ਸੰਘਰਸ਼ ਕਮੇਟੀ 
ਜਗਰਾਉ,ਹਠੂਰ,14,ਜੁਲਾਈ-(ਕੌਸ਼ਲ ਮੱਲ੍ਹਾ)- ਕਰਿਤੀ ਕਸਿਾਨ ਯੂਨੀਅਨ ਦੇ ਜਲਿ੍ਹਾ ਪ੍ਰਧਾਨ ਤਰਲੋਚਨ ਸੰਿਘ ਝੋਰੜਾਂ, ਦਸਮੇਸ਼ ਕਸਿਾਨ ਮਜ਼ਦੂਰ ਯੂਨੀਅਨ ਦੇ ਸਕੱਤਰ ਜਸਦੇਵ ਸੰਿਘ ਲਲਤੋਂ, ਪੰਜਾਬ ਕਸਿਾਨ ਯੂਨੀਅਨ ਦੇ ਜਲਿ੍ਹਾ ਪ੍ਰਧਾਨ ਬੂਟਾ ਸੰਿਘ ਚਕਰ, ਕਸਿਾਨ ਸਭਾ ਦੇ ਆਗੂ ਨਰਿਮਲ ਸੰਿਘ ਧਾਲੀਵਾਲ, ਪੇਂਡੂ ਮਜ਼ਦੂਰ ਯੂਨੀਅਨ ਜਲਿ੍ਹਾ ਪ੍ਰਧਾਨ ਅਵਤਾਰ ਸੰਿਘ ਰਸੂਲਪੁਰ, (ਮਸ਼ਾਲ) ਦੇ ਆਗੂ ਬਲ਼ਦੇਵ ਸੰਿਘ, ਭਾਰਤੀ ਕਸਿਾਨ ਯੂਨੀਅਨ(ਡਕੌਂਦਾ) ਦੇ ਲੋਕਲ ਆਗੂ ਜੱਗਾ ਸੰਿਘ ਢਲਿੋਂ ਤੇ ਰਾਮਤੀਰਥ ਸੰਿਘ ਲੀਲ੍ਹਾ ਨੇ ਦੱਸਆਿ ਕ ਿ22 ਜੁਲਾਈ ਨੂੰ ਕੀਤੇ ਜਾ ਰਹੇ ਹਲਕਾ ਵਧਿਾਇਕ ਸਰਬਜੀਤ ਕੌਰ ਮਾਣੂੰਕੇ ਦੇ ਘਰ ਦੇ ਪ੍ਰਸਤਾਵਤਿ ਘਰਿਾਓ ਸਬੰਧੀ ਇਲਾਕੇ ਦੇ ਪੰਿਡਾਂ ਵੱਿਚ ਦਨਿ-ਰਾਤ ਮੀਟੰਿਗਾਂ ਦਾ ਸਲਿਸਲਿਾ ਜਾਰੀ ਹੈ। ਆਗੂਆਂ ਨੇ ਕਹਿਾ ਕ ਿਘਰਿਾਓ ਸਬੰਧੀ ਆਮ ਲੋਕਾਂ ਵੱਿਚ ਉਤਸਾਹ ਨਜ਼ਰ ਆ ਰਹਿਾ ਹੈ ਅਤੇ ਵੱਡੀ ਗਣਿਤੀ ਵੱਿਚ ਲੋਕ ਹਲਕਾ ਵਧਿਾਇਕ ਦੇ ਘਰ ਦਾ ਘਰਿਾਓ ਕਰਕੇ ਪੰਜਾਬ ਸਰਕਾਰ ਖਲਿਾਫ਼ ਆਪਣਾ ਰੋਸ ਜ਼ਾਹਰ ਕਰਨਗੇ। ਉਨ੍ਹਾਂ ਇਹ ਵੀ ਕਹਿਾ ਕ ਿ114 ਦਨਿਾਂ ਤੋਂ ਕਰਿਤੀ ਲੋਕਾਂ ਦੇ ਦੁੱਖ ਵੱਲ ਧਆਿਨ ਨਾਂ ਦੇਣ ਪੱਿਛੇ ਪੰਜਾਬ ਦੀ ਮੌਜੂਦਾ ਸਤਾਧਾਰੀ ਸਆਿਸੀ ਧਰਿ ਹੀ ਜ਼ੰਿਮੇਵਾਰ ਹੈ। ਦੱਸਣਯੋਗ ਹੈ ਕ ਿ23 ਮਾਰਚ ਤੋਂ ਥਾਣਾ ਸਟਿੀ ਜਗਰਾਉਂ ਅੱਗੇ ਅਣਮਥਿੇ ਸਮੇਂ ਦਾ ਪੱਕਾ ਮੋਰਚਾ ਲਗਾਇਆ ਹੋਇਆ ਹੈ। ਪ੍ਰੈਸ ਨੂੰ ਜਾਰੀ ਬਅਿਾਨ 'ਚ ਦਰਸ਼ਨ ਸੰਿਘ ਧਾਲੀਵਾਲ, ਮਨਪ੍ਰੀਤ ਕੌਰ ਧਾਲੀਵਾਲ ਤੇ ਨਰਿਮਲ ਸੰਿਘ ਧਾਲੀਵਾਲ ਨੇ ਕਹਿਾ ਕ ਿਲੋਕ ਪੰਜਾਬ ਦੀ ਮੌਜੂਦਾ ਸਰਕਾਰ ਤੋਂ ਪੂਰੀ ਤਰ੍ਹਾਂ ਖਫਾ ਹੋ ਚੁੱਕੇ ਹਨ। ਹਰ ਪਾਸੇ ਹ‍ਾਹਾਕਾਰ ਮੱਚੀ ਹੋਈ ਹੈ ਸ਼ਾਇਦ ਲੋਕ ਹੁਣ "ਆਪ" ਦੀ ਸਰਕਾਰ ਬਣਾ ਕੇ ਪਛਤਾ ਰਹੇ ਹਨ। ਉਨ੍ਹਾਂ ਕਹਿਾ ਕ ਿਹਲਕਾ ਵਧਿਾਇਕ 16 ਵੇਂ ਦਨਿ ਧਰਨੇ ਵਚਿ ਪਹੁੰਚੇ ਸਨ ਅਤੇ ਭੁੱਖ ਹੜਤਾਲ 'ਤੇ ਬੈਠੀ ਪੀੜ੍ਹਤ ਮਾਤਾ ਸੁਰੰਿਦਰ ਕੌਰ ਵਲੋਂ ਮੁੱਖ ਮੰਤਰੀ ਭਗਵੰਤ ਮਾਨ ਦੇ ਨਾਮ ਖੂਨ ਨਾਲ ਲਖਿਿਆ ਖਤ, ਲੈ ਕੇ ਮੁੱਖ ਮੰਤਰੀ ਨੂੰ ਸੌਂਪਆਿ ਸੀ ਪਰ ਹੈਰਾਨੀ ਦੀ ਗੱਲ ਹੈ ਕ ਿਨਾਂ ਹਲਕਾ ਵਧਿਾਇਕ ਸਰਬਜੀਤ ਕੌਰ ਨੂੰ ਅਤੇ ਨਾਂ ਹੀ ਮੁੱਖ ਮੰਤਰੀ ਭਗਵੰਤ ਮਾਨ ਨੂੰ ਗਰੀਬ ਪਰਵਿਾਰ 'ਤੇ ਤਰਸ ਨਹੀਂ ਆ ਰਹਿਾ।ਉਨ੍ਹਾਂ ਦੱਸਆਿ ਕ ਿਪੀੜ੍ਹਤ ਪਰਵਿਾਰ ਲੰਮੇ ਸਮੇਂ ਤੋਂ ਇਨਸਾਫ਼ ਦੀ ਮੰਗ ਕਰ ਰਹਿਾ ਹੈ। ਇਸ ਸਮੇਂ ਬੀਕੇਯੂ (ਡਕੌਂਦਾ) ਦੇ ਆਗੂ ਰਾਮਤੀਰਥ ਸੰਿਘ ਲੀਲ੍ਹਾ ਤੇ ਬੰਤਾ ਸੰਿਘ ਡੱਲਾ, ਦਸਮੇਸ਼ ਕਸਿਾਨ- ਮਜ਼ਦੂਰ ਯੂਨੀਅਨ (ਰਜ਼.ਿ) ਦੇ ਆਗੂ ਹਰੀ ਸੰਿਘ ਚਚਰਾੜੀ ਤੇ ਅਮਰਜੀਤ ਸੰਿਘ, ਗੁਰੂ ਗ੍ਰੰਥ ਸਾਹਬਿ ਸਤਕਿਾਰ ਕਮੇਟੀ ਦੇ ਪ੍ਰਧਾਨ ਜਸਪ੍ਰੀਤ ਸੰਿਘ ਢੋਲ਼ਣ, ਕਰਿਤੀ ਕਸਿਾਨ ਯੂਨੀਅਨ ਦੇ ਆਗੂ ਬਲਵੰਿਦਰ ਸੰਿਘ ਕੋਠੇ ਪੋਨਾ, ਜਬਰ ਜੁਲਮ ਵਰਿੋਧੀ ਫਰੰਟ ਦੇ ਜਲਿ੍ਹਾ ਪ੍ਰਧਾਨ ਕੁਲਦੀਪ ਸੰਿਘ ਚੌਹਾਨ ਨੇ ਦੱਸਆਿ ਕ ਿਦੋਸ਼ੀਆਂ ਨੇ ਰਸੂਲਪੁਰ ਦੀ ਨੌਜਵਾਨ ਲੜਕੀ ਕੁਲਵੰਤ ਕੌਰ ਤੇ ਉਸ ਦੀ ਮਾਤਾ ਸੁਰੰਿਦਰ ਕੌਰ ਨੂੰ ਘਰੋਂ ਚੁੱਕ ਕੇ ਥਾਣੇ ਚ ਨਜ਼ਾਇਜ਼ ਹਰਿਾਸਤ 'ਚ ਰੱਖ ਕੇ ਕੁੱਟਆਿ-ਮਾਰਆਿ ਤੇ ਕਰੰਟ ਲਗਾਇਆ ਸੀ ਜਸਿ ਨਾਲ ਕੁਲਵੰਤ ਕੌਰ ਡੇਢ ਦਹਾਕਾ ਨਕਾਰਾ ਪੈ ਕੇ 10 ਦਸੰਬਰ ਨੂੰ ਮੌਤ ਹੋ ਗਈ ਸੀ ਤੇ ਦੂਜੇ ਦਨਿ ਦੋਸ਼ੀਆਂ ਖਲਿਾਫ਼ ਗੈਰ-ਜ਼ਮਾਨਤੀ ਧਰਾਵਾਂ ਅਧੀਨ ਮੁਕੱਦਮਾ ਦਰਜ ਕੀਤਾ ਸੀ ਪਰ ਦੋਸ਼ੀਆਂ ਨੂੰ ਹੁਣ ਤੱਕ ਗ੍ਰਫਿਤਾਰ ਨਹੀਂ ਕੀਤਾ।ਪੀੜ੍ਹਤ ਪਰਵਿਾਰ ਤੇ ਲੋਕ ਗ੍ਰਫਿਤਾਰੀ ਲਈ ਧਰਨਾ ਲਗਾਈ ਬੈਠੇ ਹਨ।

ਫੋਟੋ ਕੈਪਸ਼ਨ:-ਰੋਸ ਧਰਨੇ ਤੇ ਬੈਠੇ ਵੱਖ-ਵੱਖ ਆਗੂ।

ਹਠੂਰ,14,ਜੁਲਾਈ-(ਕੌਸ਼ਲ ਮੱਲ੍ਹਾ)- ਸ੍ਰੀ ਗੁਰਦੁਆਰਾ ਬਾਬਾ ਸਾਧੂ ਰਾਮ ਜੀ ਪਿੰਡ ਰਸੂਲਪੁਰ (ਮੱਲ੍ਹਾ) ਦੀ ਪ੍ਰਬੰਧਕੀ ਕਮੇਟੀ ਦੇ ਪ੍ਰਧਾਨ ਅਮਰਜੀਤ ਸਿੰਘ ਰਸੂਲਪੁਰ ਦੀ ਅਗਵਾਈ ਹੇਠ ਵਣ-ਮਹਾ ਉਤਸਵ ਮਨਾਇਆ ਗਿਆ।ਇਸ ਮੌਕੇ ਪ੍ਰਧਾਨ ਅਮਰਜੀਤ ਸਿੰਘ ਰਸੂਲਪੁਰ ਨੇ ਦੱਸਿਆ ਕਿ ਬੂਟੇ ਲਾਉਣ ਦੀ ਸੁਰੂਆਤ ਪਿੰਡ ਦੇ ਸ਼੍ਰੀ ਗੁਰਦੁਆਰਾ ਸਾਹਿਬ ਤੋ ਕੀਤੀ ਗਈ ਅਤੇ ਅੱਜ ਜਾਮਣ,ਅਮਰੂਦ,ਬੋਹੜ,ਨਿੰਮ,ਪਿੱਪਲ ਆਦਿ ਦੇ ਦੋ ਸੌ ਬੂਟੇ ਲਾਏ ਗਏ।ਉਨ੍ਹਾ ਕਿਹਾ ਕਿ ਸਾਨੂੰ ਵੱਧ ਤੋ ਵੱਧ ਰੁੱਖ ਲਾਉਣੇ ਚਾਹੀਦੇ ਹਨ ਜਿਸ ਨਾਲ ਵਾਤਾਵਰਨ ਸੁੱਧ ਅਤੇ ਸਾਫ ਰਹਿੰਦਾ ਹੈ।ਉਨ੍ਹਾ ਦੱਸਿਆ ਕਿ ਆਉਣ ਵਾਲੇ ਦਿਨਾ ਵਿਚ ਪਿੰਡ ਦੀਆ ਵੱਖ-ਵੱਖ ਸੜਕਾ ਅਤੇ ਕੱਚੇ ਰੱਸਤਿਆ ਦੇ ਕਿਨਾਰਿਆ ਤੇ ਬੂਟੇ ਲਾਏ ਜਾਣਗੇ ਉਨ੍ਹਾ ਸਮੂਹ ਪਿੰਡ ਵਾਸੀਆ ਨੂੰ ਬੇਨਤੀ ਕੀਤੀ ਕਿ ਰੁੱਖ ਲਾਉਣ,ਪਾਲਣ ਅਤੇ ਰੁੱਖਾ ਨੂੰ ਅੱਗ ਤੋ ਬਚਾਉਣ ਲਈ ਵਿਸ਼ੇਸ ਸਹਿਯੋਗ ਦਿੱਤਾ ਜਾਵੇ।ਇਸ ਮੌਕੇ ਉਨ੍ਹਾ ਨਾਲ ਸਾਬਕਾ ਸਰਪੰਚ ਸੇਰ ਸਿੰਘ,ਗੁਰਦਿਆਲ ਸਿੰਘ,ਸੁਰਜੀਤ ਸਿੰਘ,ਭਰਤ ਸਿੰਘ,ਕਰਨੈਲ ਸਿੰਘ,ਕੈਲਾ ਸਿੰਘ,ਨਛੱਤਰ ਸਿੰਘ,ਚਮਕੌਰ ਸਿੰਘ ਆਦਿ ਹਾਜ਼ਰ ਸਨ।

ਫੋਟੋ ਕੈਪਸਨ:- ਪ੍ਰਧਾਨ ਅਮਰਜੀਤ ਸਿੰਘ ਰਸੂਲਪੁਰ ਅਤੇ ਪ੍ਰਬੰਧਕੀ ਕਮੇਟੀ ਛਾਂਦਾਰ ਅਤੇ ਫਲਦਾਰ ਬੂਟੇ ਲਾਉਦੇ ਹੋਏ।

ਅਰਮਾਨਦੀਪ ਧਾਲੀਵਾਲ
ਪਿਤਾ ਅਮਰਦੀਪ ਧਾਲੀਵਾਲ
ਮਾਤਾ ਮਨਪ੍ਰੀਤ ਕੌਰ ਧਾਲੀਵਾਲ ਜਗਰਾਉਂ

ਪੰਜਾਬ ਪੁਲਿਸ ਨੂੰ ਮਿਲੀ ਵੱਡੀ ਕਾਮਯਾਬੀ 75 ਕਿੱਲੋ ਹੈਰੋਇਨ ਬਰਾਮਦ  

ਡੀਜੀਪੀ ਪੰਜਾਬ ਗੌਰਵ ਯਾਦਵ ਨੇ ਪ੍ਰੈੱਸ ਨਾਲ ਕੀਤੀ ਜਾਣਕਾਰੀ ਸਾਂਝੀ  

ਥਾਣੇ ਅੱਗੇ 113ਵੇਂ ਦਿਨ ਵੀ  ਧਰਨਾ ਜਾਰੀ ! 

ਜਗਰਾਉਂ 13 ਜੁਲਾਈ( ਗੁਰਕੀਰਤ ਜਗਰਾਉਂ ) ਮਾਵਾਂ-ਧੀਆਂ ਨੂੰ ਨਜ਼ਾਇਜ ਹਿਰਾਸਤ ਚ ਰੱਖ ਕੇ ਅੱਤਿਆਚਾਰ ਕਰਨ ਸਬੰਧੀ ਦਰਜ ਮੁਕੱਦਮੇ ਦੀ ਤਫਤੀਸ਼ ਕਰਨ ਲਈ ਨਿਯੁਕਤ ਕੀਤੀ "ਸਿੱਟ" ਦੇ ਨਾਂ ਪਹੁੰਚਣ ਕਾਰਨ ਅੱਜ ਮੁਕੱਦਮੇ ਦੇ ਦਰਜਨਾਂ ਗਵਾਹਾਂ ਤੇ ਧਰਨਾਕਾਰੀਆਂ ਨੂੰ ਵਾਪਸ ਬੇਰੰਗ ਮੁੜਣਾ ਪਿਆ। ਜਿਲ੍ਹਾ ਪੁਲਿਸ ਕੰਪਲੈਕਸ ਚ ਮੁਦਈ ਧਿਰ ਤੇ ਗਵਾਹਾਨ ਨਾਲ ਮੌਜੂਦ ਕਿਰਤੀ ਕਿਸਾਨ ਯੂਨੀਅਨ ਦੇ ਜਿਲ੍ਹਾ ਪ੍ਰਧਾਨ ਤਰਲੋਚਨ ਸਿੰਘ ਝੋਰੜਾਂ, ਪੇਂਡੂ ਮਜ਼ਦੂਰ ਯੂਨੀਅਨ ਦੇ ਜਿਲ੍ਹਾ ਪ੍ਰਧਾਨ ਅਵਤਾਰ ਸਿੰਘ ਰਸੂਲਪੁਰ, ਕਿਸਾਨ ਸਭਾ ਦੇ ਆਗੂ ਨਿਰਮਲ ਸਿੰਘ ਧਾਲੀਵਾਲ, ਬੀਕੇਯੂ (ਡਕੌਂਦਾ) ਦੇ ਲੋਕਲ ਆਗੂ ਜੱਗਾ ਸਿੰਘ ਢਿਲੋਂ ਤੇ ਰਾਮਤੀਰਥ ਸਿੰਘ ਲੀਲ੍ਹਾ ਨੇ ਪ੍ਰੈਸ ਨੂੰ ਜਾਰੀ ਇਕ ਬਿਆਨ 'ਚ  ਕਿਹਾ ਕਿ ਕੱਲ ਧਰਨਾਕਾਰੀਆਂ ਨੂੰ ਸੱਦਾ ਪੱਤਰ ਮਿਲਿਆ ਸੀ ਕਿ "ਸਿੱਟ" ਤਫਤੀਸ ਲਈ ਜਿਲ੍ਹਾ ਪੁਲਿਸ ਕੰਪਲੈਕਸ ਚ ਪੁੱਜੇਗੀ ਪਰ ਮੌਕੇ ਤੇ ਜਾ ਕੇ ਪਤਾ ਲੱਗਾ ਕਿ ਦੇ ਦੇਰ ਰਾਤ ਹੋਈਆਂ ਬਦਲੀਆਂ ਕਾਰਨ "ਸਿੱਟ" ਨਹੀਂ ਪਹੁੰਚ ਸਕੀ ਅਤੇ ਸਿੱਟੇ ਵਜੋਂ ਮੁਕੱਦਮੇ ਦੀ ਤਫਤੀਸ ਹੁਣ ਫਿਰ ਲਟਕ ਗਈ ਹੈ। ਦੱਸਣਯੋਗ ਹੈ ਕਿ ਆਪਣੇ ਆਪ ਨੂੰ ਥਾਣਾ ਸਿਟੀ ਦਾ ਮੁੱਖ ਅਫਸਰ ਕਹਿੰਦੇ ਗੁਰਿੰਦਰ ਬੱਲ ਨੇ ਨੇੜਲੇ ਪਿੰਡ ਰਸੂਲਪੁਰ ਦੀ ਨੌਜਵਾਨ ਲੜਕੀ ਕੁਲਵੰਤ ਕੌਰ ਤੇ ਉਸ ਦੀ ਮਾਤਾ ਸੁਰਿੰਦਰ ਕੌਰ ਨੂੰ ਘਰੋਂ ਚੁੱਕ ਕੇ ਥਾਣੇ ਚ ਨਜ਼ਾਇਜ਼ ਹਿਰਾਸਤ 'ਚ ਰੱਖ ਕੇ ਕੁੱਟਿਆ-ਮਾਰਿਆ ਤੇ ਕਰੰਟ ਲਗਾਇਆ ਸੀ ਅਤੇ ਕਰੰਟ ਲਗਾਉਣ ਨਾਲ 19 ਸਾਲਾ ਲੜਕੀ ਕੁਲਵੰਤ ਕੌਰ ਦੀ 15 ਸਾਲ ਨਕਾਰਾ ਪਈ ਰਹਿਣ ਉਪਰੰਤ ਲੰਘੀ 10 ਦਸੰਬਰ ਨੂੰ ਹੋਈ ਮੌਤ ਹੋ ਹੋ ਗਈ ਸੀ ਅਤੇ ਮੋੌਕੇ ਦੇ ਜਿਲ੍ਹਾ ਪੁਲਿਸ ਮੁਖੀ ਨੇ ਮ੍ਰਿਤਕਾ ਦੇ ਭਰਾ ਦੇ ਬਿਆਨਾਂ ਤੇ ਥਾਣੇਦਾਰ ਗੁਰਿੰਦਰ ਬੱਲ, ਸਹਾਇਕ ਥਾਣੇਦਾਰ ਰਾਜਵੀਰ ਅਤੇ ਕੋਠੇ ਸ਼ੇਰਜੰਗ ਦੇ ਹਰਜੀਤ ਉਰਫ ਬਿੱਲੂ ਸਰਪੰਚ ਖਿਲਾਫ਼ ਸੰਗੀਨ ਧਰਾਵਾਂ ਤਹਿਤ ਮੁਕੱਦਮਾ ਤਾਂ ਦਰਜ ਕਰ ਲਿਆ ਸੀ ਪਰ ਦੋਸ਼ੀਆਂ ਨੂੰ ਅੱਜ ਤੱਕ ਗ੍ਰਿਫਤਾਰ ਨਹੀਂ ਕੀਤਾ। ਇਲਾਕੇ ਦੀਆਂ ਜਨਤਕ ਜੱਥੇਬੰਦੀਆਂ ਵਲੋਂ 23 ਮਾਰਚ ਤੋਂ ਥਾਣੇ ਮੂਹਰੇ ਧਰਨਾ ਲਗਾਇਆ ਹੋਇਆ ਹੈ ਅਤੇ ਪੰਜਾਬ ਸਰਕਾਰ ਦੇ ਪੱਖਪਾਤੀ ਵਤੀਰੇ ਕਾਰਨ ਜੱਥੇਬੰਦੀਆਂ ਵਲੋਂ 22 ਜੁਲਾਈ ਨੂੰ ਹਲਕਾ ਵਿਧਾਇਕ ਸਰਬਜੀਤ ਕੌਰ ਮਾਣੂੰਕੇ ਦੇ ਘਰ ਦਾ ਘਿਰਾਓ ਕਰਨ ਦਾ ਅੈਲ਼ਾਨ ਕੀਤਾ ਹੋਇਆ ਹੈ। ਦੂਜੇ ਪਾਸੇ ਅੱਜ 113ਵੇ ਦਿਨ ਪੇਂਡੂ ਮਜ਼ਦੂਰ ਯੂਨੀਅਨ ਦੇ ਆਗੂ ਬਖਤੌਰ ਸਿੰਘ, ਦਸਮੇਸ਼ ਕਿਸਾਨ ਯੂਨੀਅਨ ਦੇ ਅਮਰਜੀਤ ਸਿੰਘ , ਮੇਵਾ ਸਿੰਘ, ਚੜ੍ਤ ਸਿੰਘ ਬਾਰਦੇਕੇ, ਮੋਹਣ ਸਿੰਘ, ਭਜਨ ਸਿੰਘ, ਜਗਰੂਪ ਸਿੰਘ ਆਦਿ ਹਾਜ਼ਰੀ ਵਿੱਚ ਧਰਨਾ ਵੀ ਲਗਾਇਆ ਗਿਆ। ਇਸ ਸਮੇਂ ਦਸਮੇਸ਼ ਕਿਸਾਨ ਮਜ਼ਦੂਰ ਯੂਨੀਅਨ (ਰਜ਼ਿ.) ਪੰਜਾਬ ਦੇ ਇਕਾਈ ਪ੍ਰਧਾਨ ਡਾ. ਗੁਰਮੇਲ ਸਿੰਘ ਕੁਲਾਰ, ਪ੍ਰਧਾਨ ਬਲਵਿੰਦਰ ਸਿੰਘ ਤਲਵੰਡੀ ਅਤੇ ਸਕੱਤਰ ਜਸਦੇਵ ਸਿੰਘ ਲਲਤੋਂ ਨੇ ਕਿਹਾ ਕਿ ਲੋਕ 23 ਮਾਰਚ ਤੋਂ ਧਰਨੇ ਤੇ ਬੈਠੇ ਹਨ ਅਤੇ ਵਿਧਾਇਕ ਬੀਬੀ ਨੇ ਪੀੜ੍ਹਤ ਪਰਿਵਾਰ ਨੂੰ ਇਨਸਾਫ਼ ਤਾਂ ਕੀ ਦਿਵਾਉਣਾ ਸੀ ਸਗੋਂ ਧਰਨਾਕਾਰੀਆਂ ਦੀ ਸਾਰ ਲੈਣੀ ਵੀ ਵਾਜ਼ਿਬ ਨਹੀਂ ਸਮਝੀ। ਇਸ ਸਮੇਂ ਕਰਨੈਲ ਸਿੰਘ ਜਗਰਾਉਂ, ਠੇਕੇਦਾਰ ਅਵਤਾਰ ਸਿੰਘ, ਬਲਵਿੰਦਰ ਸਿੰਘ, ਰਾਮਤੀਰਥ ਸਿੰਘ ਵੀ ਹਾਜ਼ਰ ਸਨ।

ਪੀੜਤਾ ਦੇ ਬਿਆਨਾਂ ਦੇ ਦਾਖਾ ਪੁਲਸ ਵਲੋਂ ਪਤੀ,ਸੱਸ—ਸਹੁਰਾ ਤੇ ਉਸਦੇ ਫੁੱਫੜ ਖ਼ਿਲਾਫ਼ ਦਾਜ ਦਹੇਜ ਮੰਗਣ ਦਾ ਪਰਚਾ ਦਰਜ
ਮੁੱਲਾਂਪੁਰ ਦਾਖਾ 12 ਜੁਲਾਈ (ਸਤਵਿੰਦਰ ਸਿੰਘ ਗਿੱਲ) – ਸਿਆਣੇ ਆਖਦੇ ਨੇ ਵਿਆਹ ਇੱਕ ਉਹ ਬੰਧਨ ਹੈ ਜੋ ਦੋ ਪਰਿਵਾਰਾਂ ਨੂੰ ਆਪਸ ਵਿੱਚ ਮਿਲਾਉਦਾ ਹੈ, ਲੜਕਾ-ਲੜਕੀ ਆਪਣਾ ਵਿਆਹੁਤਾ ਜੀਵਨ ਸ਼ੁਰੂ ਕਰਦੇ ਹਨ। ਪਰ ਅਫਸੋਸ ਕਿ ਅੱਜ ਸਾਊਪੁਣੇ ਦਾ ਮਖੌਟਾ ਪਹਿਨੀ ਅਜਿਹੇ ਪਰਿਵਾਰ ਸਾਡੇ ਸਮਾਜ ਅੰਦਰ ਰਹਿ ਰਹੇ ਹਨ, ਜਿਨ੍ਹਾਂ ਨੂੰ ਸਭ ਕੁੱਝ ਮਿਲਣ ਦੇ ਬਾਵਜੂਦ ਵੀ ਸਬਰ ਸੰਤੋਖ ਨਹੀਂ? ਅਜਿਹੀ ਹੀ ਵਾਪਰੀ ਘਟਨਾ ਮੁੱਲਾਂਪੁਰ ਦਾਖਾ ਦੇ ਦਸਮੇਸ਼ ਨਗਰ ਦੀ ਰਹਿਣ ਵਾਲੀ ਗੁਰਮਿੰਦਰ ਕੌਰ ਸੰਧੂ ਪਤਨੀ ਅਜੈਪਾਲ ਸਿੰਘ ਸੰਧੂ ਪੁੱਤਰੀ ਅਜਮੇਰ ਸਿੰਘ ਨਾਲ ਜਿਸਦੇ ਪਤੀ ਨੇ ਵਿਆਹ ਸਮੇਂ ਅਤੇ ਉਸ ਤੋਂ ਬਾਅਦ ਲੋੜ ਤੋਂ ਵੱਧ ਦਾਜ ਲਿਆ ਅਤੇ ਲੜਕੀ ਦੀ ਮਾਤਾ ਹਰਜੀਤ ਕੌਰ ਨਾਲ ਧੋਖਾਧੜੀ ਕਰਕੇ ਠੱਗੀ ਮਾਰਨੀ ਸ਼ੁਰੂ ਕਰ ਦਿੱਤੀ ਹੈ। ਬੀਤੇ ਕੱਲ ਮਾਡਲ ਥਾਣਾ ਮੁੱਲਾਂਪੁਰ ਦਾਖਾ ਪੁਲਿਸ ਨੇ ਗੁਰਮਿੰਦਰ ਕੌਰ ਦੇ ਬਿਆਨਾਂ ’ਤੇ ਧਰਮਕੋਟ ਦੇ ਰਹਿਣ ਵਾਲੇ ਅਜੈਪਾਲ ਸਿੰਘ ਪੁੱਤਰ ਹਰਵਿੰਦਰ ਸਿੰਘ, ਮਾਤਾ ਪਰਮਜੀਤ ਕੌਰ, ਚੰਨਵਿੰਦਰ ਸਿੰਘ, ਕਰਮਜੀਤ ਕੌਰ ਅਤੇ ਅਜੈਪਾਲ ਸਿੰਘ ਦੇ ਫੁੱਫੜ ਵਿਚੋਲੇ ਜਗਦੇਵ ਸਿੰਘ ਵਾਸੀਅਨ ਵਾਰਡ ਨੰਬਰ 09 ਨੇੜੇ ਟਰੱਕ ਯੂਨੀਅਨ ਸੰਧੂ ਫਾਰਮ ਧਮਟਕੋਟ ਜਿਲਾ ਮੋਗਾ ਖਿਲਾਫ ਇਹ ਮੁਕੱਦਮਾ 116 ਦੀ ਧਾਰਾ 498-ਏ, 406, 420, 120 ਤਹਿਤ ਬੇਸ਼ਕ ਪਰਚਾ ਦਰਜ ਕਰ ਦਿੱਤਾ ਹੈ ਪਰ ਪੀੜਤ ਲੜਕੀ ਪੱਤਰਕਾਰਾਂ ਅੱਗੇ ਵਾਰ ਵਾਰ ਇਹੋ ਆਖ ਰਹੀ ਹੈ ਕਿ ਉਸ ਨਾਲ ਕਥਿੱਤ ਦੋਸ਼ੀ ਪਰਿਵਾਰ ਵਲੋ ਬਹੁਤ ਵੱਡਾ ਧੋਖਾ ਕੀਤਾ ਗਿਆ ਹੈ।ਪੀੜਤਾ ਨੇ ਦੱਸਿਆ ਕਿ ਉਸਦੇ ਪਿਤਾ ਦੀ ਮੌਤ ਹੋ ਚੁੱਕੀ ਹੈ, ਉਸਦੀ ਮਾਂ ਨੇ ਉਸਦਾ ਵਿਆਹ ਅਜੈਪਾਲ ਸਿੰਘ ਪੁੱਤਰ ਹਰਵਿੰਦਰ ਸਿੰਘ ਨਵੰਬਰ 2017 ਨੂੰ ਗੁਰਮਰਿਯਾਦਾ ਨਾਲ ਕੀਤਾ।  ਵਿਆਹ ਵੇਲੇ ਸਹੁਰੇ ਪਰਿਵਾਰ ਦੀ ਮੰਗ ਅਨੁਸਾਰ ਵਧੀਆ ਤੇ ਮਹਿੰਗਾ ਪੈਲੇਸ ਕੀਤਾ ਤੇ ਸਹੁਰੇ ਪਰਿਵਾਰ ਦੀ ਮੰਗ ’ਤੇ ਨਾਮਵਰ 7 ਗਾਇਕ ਵੀ ਲਗੇ ਅਤੇ ਵਿਆਹ ’ਤੇ ਤਕਰੀਬਨ ਪੌਣੇ ਦੋ ਕਰੋੜ ਰੁਪਏ ਖਰਚਾ ਆਇਆ ਅਤੇ ਜਦੋਂ ਉਹ  ਕੈਨੇਡਾ ਚਲੀ ਗਈ,  ਅਤੇ ਉਸਨੇ ਜੁਲਾਈ 2019 ਵਿੱਚ ਅਜੈਪਾਲ ਸਿੰਘ ਨੂੰ ਵੀ ਬੁਲਾ ਲਿਆ। ਅਜੈਪਾਲ ਸਿੰਘ ਨੇ ਕੈਨੇਡਾ ਪੁਹੰਚਕੇ ਆਪਣੇ ਵਿਚੋਲੇ ਜਗਦੇਵ ਸਿੰਘ ਪਿਤਾ ਹਰਵਿੰਦਰ ਸਿੰਘ ਮਾਤਾ ਪਰਮਜੀਤ ਕੌਰ ਚਾਚਾ ਚੰਨਵਿੰਦਰ ਸਿੰਘ ਚਾਚੀ ਕਰਮਜੀਤ ਕੌਰ ਦੀ ਮਿਲੀ ਭੁਗਤ ਨਾਲ ਉਸ ਤੋਂ ਉਸ ਦੀ ਮਾਤਾ ਪਾਸੋ ਗੱਡੀ ਅਤੇ ਘਰ ਖਰੀਦ ਕੇ ਦੇਣ ਦੀ ਮੰਗ ਰੱਖਕੇ ਤੰਗ ਪ੍ਰੇਸ਼ਾਨ ਕਰਨਾ ਸ਼ੁਰੂ ਕਰ ਦਿੱਤਾ ਜਿਸ ਤੋ ਪ੍ਰਭਾਵਿਤ ਹੋ ਕੇ ਅਜੈਪਾਲ ਸਿੰਘ ਨੂੰ ਕੈਮਰੀ ਗੱਡੀ ਖਰੀਦ ਕਰਕੇ ਦਿੱਤੀ ਸੀ, ਫਿਰ ਵੀ ਅਜੈਪਾਲ ਸਿੰਘ ਆਪਣੀਆਂ ਹਰਕਤਾਂ ਤੇ ਬਾਜ ਨਹੀ ਆਇਆ ਅਤੇ ਘਰ ਖਰੀਦ ਕੇ ਦੇਣ ਦੀ ਮੰਗ ਕਰਦਾ ਰਿਹਾ ਹੈ। ਅਜੈਪਾਲ ਸਿੰਘ ਦਾ ਕਨੇਡਾ ਦਾ ਪੀ.ਆਰ ਕਾਰਡ ਆ ਗਿਆ ਤਾਂ ਉਹ ਬਹੁਤ ਹੀ ਚਲਾਕੀ ਅਤੇ ਹੁਸ਼ਿਆਰੀ ਨਾਲ ਸਤੰਬਰ 2019  (ਦੋ ਮਹੀਨੇ ਬਾਅਦ) ਨੂੰ ਆਪਣਾ ਸਾਰਾ ਸਮਾਨ ਚੁੱਕ ਕੇ ਆਪਣੇ ਵਿਚੋਲੇ ਜਗਦੇਵ ਸਿੰਘ ਪਾਸ ਰਹਿਣ ਲੱਗ ਪਿਆ ।
 ਗੁਰਮਿੰਦਰ ਕੌਰ ਨੇ ਪੱਤਰਕਾਰਾਂ ਨੂੰ ਦੱਸਿਆ ਕਿ ਉਹ ਮਾਨਸਿਕ ਤੌਰ ’ਤੇ ਪ੍ਰੇਸ਼ਾਨ ਰਹਿਣ ਲੱਗ ਪਈ, ਉਸਨੂੰ ਕੁੱਝ ਵੀ ਸੁੱਝ ਨਹੀਂ ਰਿਹਾ। ਜਦੋਂ ਉਸਨੇ ਚਾਰਾਜੋਈ ਕਰਨੀ ਚਾਹੀ ਤਾਂ ਉਸ ਵੇਲੇ ਕੋਰੋਨਾ ਦੀ ਖਤਰਨਾਕ ਫੈਲੀ ਲਹਿਰ ਕਾਰਨ ਚਾਰੇ ਲਾੱਕਡਾਊਨ ਲੱਗ ਗਿਆ। ਹੁਣ ਸਭ ਕੁੱਝ ਠੀਕ ਹੋ ਗਿਆ ਤੇ ਅਖੀਰ ਉਸਨੇ ਕਰੜਾ ਦਿਲ ਕਰਕੇ ਇੰਡੀਆ ਆਉਣ ਦਾ ਮਨ ਬਣਾਇਆ ਤੇ ਇੱਥੇ ਆ ਕੇ ਪੁਲਿਸ ਦੇ ਉੱਚ ਅਫਸਰਾਂ ਨੂੰ ਸ਼ਿਕਾਇਤ ਦਰਜ ਕਰਵਾਈ। ਜਿਸ ’ਤੇ ਅਮਲ ਕਰਦਿਆਂ, ਈ.ਡੀ.ਏ ਲੀਗਲ ਪਾਸੋ ਓਪੀਨੀਅਨ ਹਾਸਲ ਕਰਕੇ ਮਾਨਯੋਗ ਸੀਨੀਅਰ ਕਪਤਾਨ ਪੁਲਿਸ ਲੁਧਿਆਣਾ ਦਿਹਾਤੀ ਜੀ ਦੀ ਮੰਨਜੂਰੀ ਮਿਲਣ ਤੇ ਉਕਤ ਮੁਕੱਦਮਾ ਦਰਜ  ਕੀਤਾ ਗਿਆ। ਗੁਰਮਿੰਦਰ ਕੌਰ ਨੇ ਦੱਸਿਆ ਕਿ ਉਹ ਕੈਨੇਡਾ ਦੇ ਸਰੀ ਵਿੱਚ ਸਰਕਾਰੀ ਜਾੱਬ ਕਰਦੀ ਹੈ, ਪਿਛਲੇ ਤਿੰਨ ਮਹੀਨਿਆਂ ਤੋਂ ਉਹ ਮੈਡੀਕਲ ਲੀਫ ’ਤੇ ਹੈ, ਪਰ ਜੇਕਰ ਉਹ ਸਮੇਂ ਸਿਰ ਕੈਨੇਡਾ ਨਾ ਗਈ ਤਾਂ ਉਹ ਸਰਕਾਰੀ ਜਾੱਬ ਤੋਂ ਵੀ ਹੱਥ ਧੋ ਬੈਠੇਗੀ। ਜਿਸਦਾ ਸਿੱਧਮ-ਸਿੱਧਾ ਦੋਸ਼ੀ ਅਜੈਪਾਲ ਸਿੰਘ ਹੋਵੇਗਾ। ਉਨ੍ਹਾਂ ਲੋਕਾਂ ਨੂੰ ਅਪੀਲ ਕਰਦਿਆ ਕਿਹਾ ਕਿ ਅਜਿਹੇ ਦਾਜ ਲੋਭੀ ਲਾਲਚੀ ਪਰਿਵਾਰਾਂ ਤੋਂ ਸਾਵਧਾਨ ਰਹੋਂ ਜੋ ਤੁਹਾਡੇ ਨਾਲ ਠੱਗੀ ਮਾਰਨ ਦੇ ਰੌਂਅ ਵਿੱਚ ਹੋਵੇ। ਜਿਸ ਨਾਲ ਸਮਾਜ ਅੰਦਰ ਸਿਰ ਸ਼ਰਮ ਝੁਕ ਜਾਵੇ ਆਪਣੇ ਬੱਚਿਆਂ ਦੇ ਚੰਗੇਰੇ ਭਵਿੱਖ ਲਈ ਰਿਸਤਾ ਕਰਨ ਤੋਂ ਪਹਿਲਾ ਚੰਗੀ ਤਰ੍ਹਾਂ ਜਾਂਚ ਪੜਤਾਲ ਕਰ ਲਵੋਂ। ਜਦੌ ਇਸ ਸਬੰਧੀ ਕਥਿੱਤ ਦੋਸ਼ੀ ਅਜੈਪਾਲ ਸਿੰਘ ਦੇ ਪਿਤਾ ਹਰਵਿੰਦਰ ਸਿੰਘ ਨਾਲ ਗੱਲ ਕੀਤੀ ਤਾਂ ਉਹਨਾਂ ਕਿਹਾ ਕਿ ਸਾਡੇ ਖਿਲਾਫ ਦਰਜ ਕੀਤਾ ਗਿਆ ਮੁਕੱਦਮਾ ਝੂਠਾ ਅਤੇ ਬੇੁਨਿਆਦ ਹੈ।

ਹਠੂਰ,12,ਜੁਲਾਈ-(ਕੌਸ਼ਲ ਮੱਲ੍ਹਾ)-5ਜੈਬ ਬਾਕਸਿੰਗ ਅਕੈਡਮੀ, ਚਕਰ ਦੇ ਜਸ਼ਨਪ੍ਰੀਤ ਸਿੰਘ ਗਰੇਵਾਲ ਨੇ ਤਲਵੰਡੀ ਸਾਬੋ ਵਿਖੇ ਹੋਈ ਪੰਜਵੀਂ ਜੂਨੀਅਰ ਪੰਜਾਬ ਬਾਕਸਿੰਗ ਚੈਂਪੀਅਨਸ਼ਿਪ ਵਿੱਚ ਆਪਣੇ ਪੰਚਾਂ ਦਾ ਦਮ ਦਿਖਾਉਂਦਿਆਂ ਚਾਂਦੀ ਦਾ ਤਗ਼ਮਾ ਜਿੱਤਿਆ।ਉਸ ਦੀ ਪਿੰਡ ਚਕਰ ਵਾਪਸੀ ਉੱਤੇ ਅਕੈਡਮੀ ਦੇ ਪ੍ਰਬੰਧਕਾਂ ਅਤੇ ਖਿਡਾਰੀਆਂ ਵੱਲੋਂ ਉਚੇਚਾ ਸਵਾਗਤ ਅਤੇ ਸਨਮਾਨ ਕੀਤਾ ਗਿਆ।ਇਸ ਮੌਕੇ 5 ਜੈਬ ਫਾਊਂਡੇਸ਼ਨ ਦੇ ਡਾਇਰੈਕਟਰ ਪ੍ਰਿੰ. ਬਲਵੰਤ ਸਿੰਘ ਸੰਧੂ ਚਕਰ ਨੇ ਦੱਸਿਆ ਕਿ ਇਸ ਚੈਂਪੀਅਨਸ਼ਿਪ ਵਿੱਚ ਚਕਰ ਵੱਲੋਂ ਇਕੱਲੇ ਜਸ਼ਨਪ੍ਰੀਤ ਸਿੰਘ ਨੇ ਹੀ ਭਾਗ ਲਿਆ ਸੀ ਅਤੇ ਕੱੁਝ ਸਮਾਂ ਪਹਿਲਾਂ ਹੀ ਬਾਕਸਿੰਗ ਸ਼ੁਰੂ ਕਰ ਕੇ ਵੱਡੀ ਪ੍ਰਾਪਤੀ ਕੀਤੀ ਹੈ।ਅਮਿਤ ਕੁਮਾਰ ਅਤੇ ਜਸਕਿਰਨਪ੍ਰੀਤ ਸਿੰਘ ਨੇ ਦੱਸਿਆ ਕਿ ਜਸ਼ਨਪ੍ਰੀਤ ਸਿੰਘ ਬਹੁਤ ਮਿਹਨਤੀ ਖਿਡਾਰੀ ਹੈ, ਜਿਸ ਕਰਕੇ ਭਵਿੱਖ ਵਿੱਚ ਉਸ ਤੋਂ ਚੰਗੀਆਂ ਆਸਾਂ ਹਨ।ਉਨ੍ਹਾਂ ਨੇ ਚਕਰ ਵਿਚ ਸੇਵਾਵਾਂ ਦੇਣ ਲਈ ਬਾਕਸਿੰਗ ਕੋਚ ਮਿੱਤ ਸਿੰਘ ਅਤੇ ਲਵਪ੍ਰੀਤ ਕੌਰ ਦਾ ਵਿਸ਼ੇਸ਼ ਤੌਰ ਤੇ ਧੰਨਵਾਦ ਕੀਤਾ।ਇਸ ਮੌਕੇ 'ਪੰਜਾਬ ਕਿਸਾਨ ਯੂਨੀਅਨ' ਦੇ ਜ਼ਿਲ੍ਹਾ ਪ੍ਰਧਾਨ ਸ. ਬੂਟਾ ਸਿੰਘ ਹੰਸਰਾ ਨੇ ਖਿਡਾਰੀਆਂ ਨੂੰ ਹੱਲਾਸ਼ੇਰੀ ਦਿੰਦੇ ਹੋਏ ਆਪਣੇ ਕੱੁਝ ਖੇਡ ਤਜਰਬੇ ਸਾਂਝੇ ਕੀਤੇ।ਇਸ ਮੌਕੇ ਸ਼ਬਦ ਅਦਬ ਸਾਹਿਤ ਸਭਾ ਮਾਣੂੰਕੇ ਦੇ ਪ੍ਰਧਾਨ ਰਛਪਾਲ ਸਿੰਘ ਚਕਰ ਨੇ ਜਸ਼ਨਪ੍ਰੀਤ ਸਿੰਘ ਦੇ ਪਰਿਵਾਰ ਨੂੰ ਮੁਬਾਰਕਬਾਦ ਦਿੰਦਿਆਂ ਕਿਹਾ ਕਿ ਨੌਜਵਾਨਾਂ ਦਾ ਖੇਡਾਂ ਵਾਲੇ ਪਾਸੇ ਜੁੜਣਾ ਇੱਕ ਚੰਗਾ ਕਦਮ ਹੈ।ਇਸ ਮੌਕੇ ਨੰਬਰਦਾਰ ਜਗਜੀਤ ਸਿੰਘ ਮੱਲ੍ਹਾ ਨੇ ਵੀ ਆਪਣੇ ਵਿਚਾਰ ਸਾਂਝੇ ਕੀਤੇ ਅਤੇ ਖਿਡਾਰੀਆਂ ਨੂੰ ਮਿਹਨਤ ਕਰਨ ਲਈ ਪ੍ਰੇਰਿਆ।ਇਸ ਮੌਕੇ ਪ੍ਰਧਾਨ ਬੂਟਾ ਸਿੰਘ ਤੋਂ ਇਲਾਵਾ, ਰਛਪਾਲ ਸਿੰਘ ਸਿੱਧੂ, ਦਰਸ਼ਨ ਸਿੰਘ ਸਿੱਧੂ, ਪ੍ਰਿੰ. ਬਲਵੰਤ ਸਿੰਘ ਸੰਧੂ, ਬਾਈ ਰਛਪਾਲ ਸਿੰਘ ਸਿੱਧੂ,ਜਗਰਾਜ ਸਿੰਘ, ਬਹਾਦਰ ਸਿੰਘ,ਜਗਜੀਤ ਸਿੰਘ ਸਿੱਧੂ ਯੂ ਐਸ ਏ,ਜਸਕਿਰਨਪ੍ਰੀਤ ਸਿੰਘ,ਅਮਿਤ ਕੁਮਾਰ,ਚਮਕੌਰ ਸਿੰਘ,ਰਾਜੂ ਧਾਲੀਵਾਲ, ਪ੍ਰਿਤਪਾਲ ਸਿੰਘ ਆਦਿ ਹਾਜ਼ਰ ਸਨ।
ਫੋਟੋ ਕੈਪਸ਼ਨ:- ਖਿਡਾਰੀ ਜਸ਼ਨਪ੍ਰੀਤ ਸਿੰਘ ਨੂੰ ਸਨਮਾਨਿਤ ਕਰਦੇ ਹੋਏ ਪਿੰਡ ਚਕਰ ਵਾਸੀ।